Politike

APK nis hetimin ndaj Vjosa Osmanit / Reagon presidenca: Mirëpres çdo verifikim i bazuar në paanshmëri!

Këshilltari i presidentes, Bekim Kupina ka deklaruar se presidentja mirëpret çdo verifikim nga cilido institucion.

6 Janar 2026, 11:00 Nga D.S
APK nis hetimin ndaj Vjosa Osmanit / Reagon presidenca: Mirëpres çdo
Vjosa Osmani

KOSOVË- Presidenca e Republikës së Kosovës ka reaguar ndaj hetimit do t'i nënshtrohet presidentja Vjosa Osmani. Këshilltari i presidentes, Bekim Kupina ka deklaruar se presidentja mirëpret çdo verifikim nga cilido institucion.

“Presidentja Osmani mirëpret çfarëdo verifikimi nga cilido institucion, që është i bazuar në pavarësi, paanshmëri, integritet, ligj dhe fakte të vërteta, por jo në fushata njollosjesh, të cilat dihet mirëfilli pse po ndodhin në këtë fazë”, tha Kupina.

Nga ana tjetër, Agjencia për Parandalimin e Korrupsionit ka bërë të ditur se në këto momente nuk mund të japin asnjë koment mbi këtë çështje, duke mos e konfirmuar e as mohuar një procedurë të mundshme ndaj presidentes. Kujtojmë që presidentja Osmani do t'i nënshtrohet një hetimi për pasuri nga Agjencia për Parandalimin e Korrupsionit./Dosja.al 

 

vjosa osmani agjencia për parandalimin e korrupsionit

Sondazh

Poll