Politike

“Vendi ka nevojë për zgjedhje të lira”/ Lapaj zbulon dy emrat e propozuar për të drejtuar qeverinë tranzitore: Të mbledhim intelektualët më të mirë...

Ai tha se Tritan Kalo mund të organizojë zgjedhje model në Shqipëri, ndërsa përmendi edhe emrin e profesorit Përparim Kabo. Sipas tij individë të tillë do të mund të garantonin lirinë e votës dhe një proces elektoral të drejtë për palët.

4 Janar 2026, 14:11 Nga E. D
“Vendi ka nevojë për zgjedhje të lira”/ Lapaj zbulon
Adriatik Lapaj

TIRANË- Kreu i Lëvizjes Shqipëria Bëhet, Adriatik Lapaj theksoi se vendi ka nevojë për një qeveri tranzitore në mënyrë që më pas të organizojë zgjedhje të lira dhe demokratike. Duke folur për News24, gjatë protestës së zhvilluar para Kryeministrisë, Lapaj propozoi dy emra.

Ai tha se Tritan Kalo mund të organizojë zgjedhje model në Shqipëri, ndërsa përmendi edhe emrin e profesorit Përparim Kabo. Sipas tij individë të tillë do të mund të garantonin lirinë e votës dhe një proces elektoral të drejtë për palët.

"Jo të jesh ti kryeministër, sepse je provuar që je hajdut. Me qeveri tranzitore, të mbledhim intelektualët më të mirë, sepse kemi. Një qeveri tranzitore për 12 muaj, më vjen në mendje profesori Tritan Kalo, është pensionuar është në Kanada dhe mund ta udhëheqë një qeveri tranzitore 12 muaj.

Jam i bindur që është një njeri që zgjedhjet do ti organizonte model. Profesori Përparim Kabo…pra le ti japim njerëzve një qeveri përtej palëve 12 muaj me një mandat të qartë, të organizojmë zgjedhje demokratike. Pastaj po fitoi ky dakord, por me zgjedhje të lira dhe të ndershme," tha Lapaj./Dosja.al

 

adriatik lapaj tritan kalo perparim kabo

Sondazh

Poll

MË SHUMË