Aktualitet

Protesta e Adriatik Lapajt para kryeministrisë/ Policia publikon planin e masave: Ja rrugët që do të bllokohen

Policia bën me dije se nga ora 11:00 deri në përfundim të tubimit, do të ketë bllokime të pjesshme të qarkullimit në Bulevardin “Dëshmorët e Kombit”, në segmentin nga Ura e Dajtit deri te kryqëzimi me rrugën “Ismail Qemali”. Gjithashtu në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore.

4 Janar 2026, 10:20 Nga E. D

Adriatik Lapaj

TIRANË- Kreu i 'Shqipëria Bëhet' Adriatik Lapaj, do të mbajë sot në orën 12:00 protestën e rradhës para kryeministrisë. Lidhur me protestën, Policia e Tiranës ka publikuar një sërë masash me qëllim garantimin e rendit dhe sigurisë.

Sakaq, Policia e Tiranës apelon qytetarët të shmangin lëvizjen me automjete në akset që do të bllokohen dhe të përdorin rrugë alternative, me qëllim shmangien e pengesave në qarkullim dhe garantimin e lëvizjes së lirë të pjesëmarrësve në tubim.

Njoftimi i Policisë:

Në bazë dhe në zbatim të ligjit “Për tubimet”, Policia e Tiranës ka ndërmarrë të gjitha masat e nevojshme për garantimin e rendit publik dhe mbarëvajtjen e tubimit që do të zhvillohet ditën e sotme, në orën 12:00. Në këtë kuadër, do të ketë kufizime të lëvizjes, Konkretisht: -nga ora 11:00 deri në përfundim të tubimit, do të ketë bllokime të pjesshme të qarkullimit në Bulevardin “Dëshmorët e Kombit”, në segmentin nga Ura e Dajtit deri te kryqëzimi me rrugën “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Policia e Tiranës apelon qytetarët të shmangin lëvizjen me automjete në akset që do të bllokohen dhe të përdorin rrugë alternative, me qëllim shmangien e pengesave në qarkullim dhe garantimin e lëvizjes së lirë të pjesëmarrësve në tubim./Dosja.al

adriatik lapaj \\\\\\\'shqipëria bëhet\\\\\\\' proteste para kryeministriese tirane