Politike

Protesta e opozitës para Kryeministrisë/ Policia: Ja rrugët ku do të ketë kufizim dhe bllokim të qarkullimit

Policia thekson se, mund të ketë kufizime edhe në rrugë të tjera në varësi të skenarit që do të ndjekë opozita.

29 Dhjetor 2025, 15:11 Nga D.S

Protesta e opozitës para Kryeministrisë/ Policia: Ja rrugët ku do

TIRANË- Policia e Tiranës ka njoftuar se do të ketë sërish kufizime dhe bllokim të qarkullimit në disa rrugë të kryeqytetit për shkak të protestës së opozitës para Kryeministrisë, që zhvillohet çdo të hënë.

Sipas policisë, nga ora 15:00 deri në përfundim të protestës, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Policia thekson se, mund të ketë kufizime edhe në rrugë të tjera në varësi të ecurisë së protestës. Në rast bllokimi, policia thotë se kanë marrë masa për të devijuar qarkullimin e automjeteve në rrugë alternative.

Njoftimi i Policisë:

"Tiranë/Në bazë dhe në zbatimit të ligjit “Për tubimet”, Policia e Tiranës ka ndërmarrë të gjitha masat për garantimin e rendit publik, zbatimin e të drejtave dhe lirive të qytetarëve dhe të pjesëmarrësve në tubimin e ditës së sotme, nga ora 18:00 deri në orën 20:00, para Kryeministrisë.

Në zbatim të këtyre masave, me qëllim garantimin e mbarëvajtjes së tubimit, ditën e sotme do të kufizohet lëvizja në disa akse/segmente rrugore, konkretisht: Nga ora 15:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për të devijuar qarkullimin e automjeteve në rrugë alternative. Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative, për të mos penguar lëvizjen e lirë të pjesëmarrësve në tubim."/Dosja.al

protesta

Sondazh

Poll

MË SHUMË