Politike

Berisha: Fondet nuk janë përdorur, por janë vjedhur nga familja supermafioze Rama

Berisha tha se të thuash këtë është një mbrojtje kriminale, pasi ajo akuzohet se ka vjedhur fondet.

29 Dhjetor 2025, 13:28 Nga E.d
Berisha: Fondet nuk janë përdorur, por janë vjedhur nga familja
Sali Berisha

TIRANË- Kreu i Partisë Demokratike, Sali Berisha ka deklaruar ditën e sotme se fondet nuk janë përdorur, por janë vjedhur nga familja supermafioze Rama. Gjatë një konference për mediat, Berisha u shpreh se Rama pretendonte se Mirlinda Karçanaj po akuzohet se ka përdorur fonde.

Berisha tha se të thuash këtë është një mbrojtje kriminale, pasi ajo akuzohet se ka vjedhur fondet. Lideri demokrat tha se qytetarët shqiptarë janë të zemëruar, të revoltuar kundër Ramës. 

"Edi Rama, që bëri dje avokatin mjeran të Lubisë bis, sipas të cilit prokuroria e ka akuzuar atë për përdorimin e fondeve, përgëzoj një gazetar i cili shkruante se Rama ka përdorur aty gjuhën oruelliane, ku vjedhja e shefit quhet përdorim, ku plaçkitja quhet mbikëqyrje nga shefi. Edi Rama pretendonte se Linda e dytë e tij, se i kanë rastisur të treja me Linda, Belinda, Mirlinda, Linda, se si i merr fati të tria në një rreth të kuq, se Mirlinda po akuzohet se ka përdorur fonde. Po ka mbrojtje më kriminale, më të turpshme se kjo?

Si mund të akuzosh se ka përdorur fondet? Akuzohet se ka vjedhur fondet. Se ka drejtuar një organizatë kriminale me Ergys Agasin, me koordinatorin e tij, dhe se fondet kanë shkuar që të gjitha në familjen supermafioze Rama. Ndaj dhe për ta mbyllur edhe njëherë, jep dorëheqjen sa më parë. Je i pashpresë. Qytetarët shqiptarë janë të zemëruar, të revoltuar kundër teje dhe të gatshëm që të paguajnë çdo çmim për familjen tuaj," tha Berisha./Dosja.al

sali berisha edi rama aksh

Sondazh

Poll

MË SHUMË