Aktualitet

Ngacmimet seksuale dhe dhuna fizike në shkolla/ CRCA sot protestë para ministrisë së Arsimit: Besa Shahini jep llogari ose d

14 Shkurt 2020, 07:17 Nga DOSJA
Ngacmimet seksuale dhe dhuna fizike në shkolla/ CRCA sot protestë para

Tiranë-Qendra për të Drejtat e Fëmijëve, CRCA/ECPAT në Shqipëri, ditën  e sotme në orë 11:00 do të zhvillojë një protestë para Ministrisë së Arsimit për ngacmimet seksuale dhe dhunën fizike në shkolla. Qendra për të Drejtat e Fëmijëve CRCA/ECPAT në reagimin e saj thekson se rasti më i fundit i dhunës seksuale në Fier dhe dhuna në  çerdhen e Tepelenës, tregojnë që nxënësit janë në një mjedis të pasigurt. . Në njoftim theksohet se ministrja Besa Shahini ose të japë llogari për rastet ose të dorëhiqet.

Kërkesat e CRCA

• Heqjen e liçensave dhe moslejimin e tyre në ushtrimin e profesionit të mësimdhënies për gjithë jetën për çdo mësues, edukator dhe person ndihmës që ushtron dhunë të vërtetuar ndaj fëmijjëve;

• Pezullim nga puna e të gjithë mësuesve, edukatorëve e punonjësve të tjerë që kanë kontakt me fëmijët, dhe që janë në dijeni të dhunës së ushtruar e nuk e denoncojnë atë. Mosdenoncimi i dhunës është KRIM!

•Një proces të gjerë, urgjent dhe gjithëpërfshirës të vlerësimit psikologjik të mësuesve, edukatorëve dhe çdo personi tjetër që ka kontakt me fëmijët në mjediset e institucioneve arsimore publike në vend.

• Ngritjen e mekanizmave të raportimit mbi dhunën në mjediset e shkollave, kopshteve e çerdheve, dhe ndërgjegjësimi i punonjësve të arsimit për këto mekanizma;

• Ministria e Arsimit, Sportit dhe Rinisë të hartojë urgjentisht Kodin e Sjelljes/ Etikës me Fëmijët.Të gjithë punonjësit e arsimit në Shqipëri, që janë në kontakt me fëmijët, të firmosin këtë Kod të bashkangjitur me kontratën e punës së tyre.

Disa ditë më parë në emisionin ‘STOP’ mësuesi i muzikës, në shkollën e mesme “Jakov Xoxa” në Fier, Agron Bego, shihet teksa ngacmon nxënësen e tij. Pas publikimit të pamjeve Bego është shoqëruar në Polici. Blutë e Ferit bënë me dije se dyshohet se 63-vjeçari ka kryer veprën penale “ngacmim seksual”. Një tjetër rast dhune fizike u denoncua në një çerdhe në Tepelenë, ku edukatorja dhunonte një fëmijë.

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet -qendra për të drejtat e fëmijëve crca/ecpat besa shahini dhuna seksuale dhe fizike në shkolla protestë para ministrisë së arsimit -qendra për të drejtat e fëmijëve crca/ecpat besa shahini dhuna seksuale dhe fizike në shkolla protestë para ministrisë së arsimit

Sondazh

Poll

MË SHUMË