Bota

Sanksionet e SHBA-së/ Komisioni Evropian dënon vendimin ndaj 5 europianëve: BE-ja është një treg i vetëm dhe i hapur...

Siç thekson Komisioni në një deklaratë, po kërkon sqarime nga autoritetet amerikane dhe mbetet në kontakt me to, dhe nëse është e nevojshme nuk do të hezitojë të reagojë kundër këtyre masave të pajustifikuara.

24 Dhjetor 2025, 14:00 Nga D.S
Sanksionet e SHBA-së/ Komisioni Evropian dënon vendimin ndaj 5

EUROPË- Komisioni Evropian dënon vendimin e SHBA-së për të vendosur kufizime udhëtimi për pesë qytetarë evropianë , përfshirë ish-Komisionerin Evropian Thierry Breton. Siç thekson Komisioni në një deklaratë, po kërkon sqarime nga autoritetet amerikane dhe mbetet në kontakt me to, dhe nëse është e nevojshme nuk do të hezitojë të reagojë kundër këtyre masave të pajustifikuara.

"Liria e shprehjes është një e drejtë themelore në Evropë dhe një vlerë thelbësore e ndarë me Shtetet e Bashkuara në të gjithë botën demokratike. BE-ja është një treg i vetëm i hapur dhe i bazuar në rregulla, me të drejtën sovrane për të rregulluar aktivitetin ekonomik në përputhje me vlerat tona demokratike dhe angazhimet ndërkombëtare. Rregullat tona dixhitale sigurojnë një fushë loje të sigurt, të drejtë dhe të barabartë për të gjitha kompanitë, të zbatuara në mënyrë të paanshme dhe pa diskriminim. Ne kemi kërkuar sqarime nga autoritetet amerikane dhe qëndrojmë në kontakt. Nëse është e nevojshme, do të përgjigjemi menjëherë dhe me vendosmëri për të mbrojtur autonominë tonë rregullatore kundër masave të pajustifikuara.", ishte shkruar në njoftim.

Sanksione të vendosura ndaj pesë figurave në Evropë

Shtetet e Bashkuara njoftuan të martën sanksione kundër pesë figurave në Evropë që mbështesin rregullimin më të rreptë të shërbimeve dixhitale. Sanksionet përfshijnë një ndalim të hyrjes, qëndrimit dhe çdo aktiviteti në Shtetet e Bashkuara , të udhëhequr nga ish-komisioneri francez Thierry Breton. Departamenti i Shtetit e justifikoi vendimin duke thënë se veprimet e këtyre individëve synojnë të vendosin 'censurë' kundër interesave amerikane.

Katër individët e tjerë të sanksionuar janë drejtues të organizatave joqeveritare që luftojnë kundër dezinformimit dhe gjuhës së urrejtjes në internet: Imran Ahmed, Claire Melford, Anna-Lena von Hodenberg, themeluese e HateAid gjermane, dhe Josephine Ballon, drejtoreshë ekzekutive e së njëjtës OJQ. Sanksionet vendosen në hakmarrje për përpjekjet në Evropë për të shtrënguar rregulloret mbi platformat dixhitale, të cilat qeveria amerikane i konsideron "censurë".

Ish-Komisioneri francez Thierry Breton, kreu i rregullimit evropian, është midis individëve që i nënshtrohen sanksioneve të reja. Sipas Marco Rubio, përpjekja evropiane synon të "ndëshkojë" platformat dixhitale amerikane dhe të heqë përmbajtjen me të cilën zyrtarët evropianë nuk pajtohen. “Për një kohë shumë të gjatë, ideologët në Evropë kanë bërë përpjekje të koordinuara për të detyruar platformat (dixhitale) amerikane të ndëshkojnë pikëpamjet amerikane që kundërshtojnë. Administrata Trump nuk do të tolerojë më akte të tilla të hapura të censurës së huaj”, tha ai./Dosja.al 

shba komisioni europian trump

Sondazh

Poll

MË SHUMË