Politike

Spiropali pritet nga Ministri i Mbrojtjes: Shqipëria dhe Greqia, bashkëpunim strategjik për sigurinë, Tirana pret në 2027 Samitin e NATO-s

Takimi u fokusua në bashkëpunimin afatgjatë mes Shqipërisë dhe Greqisë si dy vende partnere në NATO që kontribuojnë aktivisht stabilitetin dhe sigurinë në rajon, në Europë e më gjerë, ndërkohë që Shqipëria do të presë në vitin 2027 Samitin e NATO-s.

17 Dhjetor 2025, 10:29 Nga E. D
Spiropali pritet nga Ministri i Mbrojtjes: Shqipëria dhe Greqia,
pamje nga takimi


ATHINË- Në ditën e dytë të vizitës së saj zyrtare në Athinë, Ministrja për Europën dhe Punët e Jashtme, Elisa Spiropali, u takua mëngjesin e sotëm në Athinë me Ministrin e Mbrojtjes Nikos Dendias. Takimi u fokusua në bashkëpunimin afatgjatë mes Shqipërisë dhe Greqisë si dy vende partnere në NATO që kontribuojnë aktivisht stabilitetin dhe sigurinë në rajon, në Europë e më gjerë, ndërkohë që Shqipëria do të presë në vitin 2027 Samitin e NATO-s.

Spiropali theksoi se "marrëdhëniet tona do të vijojnë të zhvillohen nga interesa të përbashkëta strategjike, përmes një agjende iniciativash me fokus njerëzit tanë". Këto marrëdhënie, sipas Spiropalit, janë udhëhequr gjithmonë nga perspektiva e përbashkët europiane e të dyja vendeve mike.

Ministri Dendias theksoi se për Greqinë, Shqipëria mbetet një partner i përkushtuar në rrugën e vlerave demokratike, sigurisë dhe mbrojtjes europiane. Dendias nënvijëzoi bashkëpunimin e shkëlqyer ndërmjet strukturave të sigurisë dhe mbrojtjes të të dy vendeve, nën koordinimin e NATO-s dhe iniciativave rajonale të mbrojtjes, në të cilat Shqipëria luan një rol domethënës./Dosja.al

elisa spiropali

Sondazh

Poll

MË SHUMË