Politike

Partia Demokratike kundër zgjedhjes së Endrit Shabanit si Avokat i Popullit! Do t’i drejtohet Gjykatës Kushtetuese për ta rrëzuar

Sipas PD-së, zgjedhja e Shabanit është e pavlefshme, pasi 35 deputetë që kishin dhënë votën e tyre për kandidaturën e tij e tërhoqën mbështetjen dy ditë pas shpalljes së të gjitha kandidatëve.

15 Dhjetor 2025, 17:07 Nga M.L
Partia Demokratike kundër zgjedhjes së Endrit Shabanit si Avokat i
Endri Shabani, Sali Berisha

TIRANA- Partia Demokratike ka vendosur të ankimojë në Gjykatën Kushtetuese zgjedhjen e Endri Shabanit në postin e Avokatit të Popullit. Sipas PD-së, zgjedhja e Shabanit është e pavlefshme, pasi 35 deputetë që kishin dhënë votën e tyre për kandidaturën e tij e tërhoqën mbështetjen dy ditë pas shpalljes së të gjitha kandidatëve.

Kërkesa për tërheqjen e firmave nuk është njohur as nga Komisioni i Ligjeve, as nga Kuvendi. Mësohet se argumenti i PD është se zgjedhja e Avokatit të Popullit u krye në shkelje të procedurave parlamentare dhe duke keqpërdorur firmat e deputetëve të PD që i kishin tërhequr paraprakisht.

Endrit Shabani u zgjodh në këtë post me 85 vota, gjatë një procesi që opozita e braktisi, duke mos marrë pjesë në votim.

partia demokratike gjykata kushtetuese endri shabani

Sondazh

Poll

MË SHUMË