Politike

Qilima, bizhuteri, këpucë dhe kostum tradicional! Meloni nxjerr në ankand dhurata nga udhëheqës të huaj, mes tyre edhe shalli i Ramës

Mediat italiane bëjnë me dije se vlera totale e dhuratave të Melonit është rreth 800 euro. Lista e plotë e dhuratave që do të dalin në ankand nuk është publikuar ende, por ato janë mbi 270 artikuj dhe ruhen në një dhomë në Palazzo Chigi. Dhurata e parë është nga Presidenti Indian Narendra Modi dhe daton që nga samiti i G20 në Bali në vitin 2022.

12 Dhjetor 2025, 17:53 Nga E. D
Qilima, bizhuteri, këpucë dhe kostum tradicional! Meloni nxjerr
Edi rama, Giorgia Meloni

ITALI- Kryeministrja Giorgia Meloni do të nxjerrë në ankand disa nga dhuratat që ka marrë gjatë udhëtimeve të saj zyrtare jashtë vendit. Ligji ia ndalon asaj të mbajë për vete dhurata me vlerë mbi 300 euro, kështu që ato do të vihen në shitje për publikun. Ndër dhuratat që do të shiten është edhe shalli që kryeministri Edi Rama i dhuroi asaj për ditëlindjen e saj të 48-të.

Mediat italiane bëjnë me dije se vlera totale e dhuratave të Melonit është rreth 800 euro. Lista e plotë e dhuratave që do të dalin në ankand nuk është publikuar ende, por ato janë mbi 270 artikuj dhe ruhen në një dhomë në Palazzo Chigi. Dhurata e parë është nga Presidenti Indian Narendra Modi dhe daton që nga samiti i G20 në Bali në vitin 2022.

Një dhurat tjetër është një statujë prej pëlhure nga deputetja Michele Emiliano. Gjithashtu ankandi përfshin dy byzylykë metalikë, katër piktura, një pllakë metalike, një varëse, një unazë dhe vathë. Po ashtu ka edhe këpucë 'pitoni blu' nga një stilist saudit, vazo, bizhuteri dhe një shënim në një valixhe të kuqe.

Dhuratat përfshijnë gjithashtu qilima nga Libia dhe vende të tjera arabe, një set çaji prej porcelani nga Viktor Orban dhe një tas qeramik nga Joe Biden. Kostumi tradicional i dhuruar nga ish-kryeministri rumun Marcel Ciolacu është gjithashtu pjesë e ankandit. Marcel Ciolacu u shfaq në një samit ndërqeveritar i veshur me një kostum tradicional të përbërë nga një këmishë tipike prej liri të zbukuruar me kryqe të kuq./Dosja.al

giorgia meloni

Sondazh

Poll

MË SHUMË