Bota

Vuçiç akuza ndaj Kroacisë: Ka bashkuar forcat me Kosovën dhe Shqipërinë për të penguar Serbinë

Ai përmendi gjithashtu aleancën ushtarake midis Kroacisë, Shqipërisë dhe Kosovës.

5 Dhjetor 2025, 14:35 Nga I.A
Vuçiç akuza ndaj Kroacisë: Ka bashkuar forcat me Kosovën
Aleksandar Vuçiç

SERBI- Presidenti serb Aleksandar Vuçiç foli përsëri për marrëdhëniet me Kroacinë në një paraqitje televizive, duke akuzuar Zagrebin se po bllokon rrugën evropiane të Serbisë. Sipas mediave serbe, Vuçiç pretendon se "ngritja e Serbisë" si "një feniks", e ka çuar Koracinë të bashkojë forcat me Kosovën, Shqipërinë dhe të tjerët për të penguar Beogradin. Ai përmendi gjithashtu aleancën ushtarake midis Kroacisë, Shqipërisë dhe Kosovës.

“Pse fqinjët tanë nuk duan që ne të jemi në BE? Arsyeja është e thjeshtë. Ata menduan se në momentin që u bashkuan me BE-në dhe NATO-n dhe kur ata që ishin në pushtet në Serbi ishin në pushtet dhe nuk e trajtonin vendin e tyre, le të themi, në planin e brendshëm, gjithçka kishte mbaruar dhe se ata po bëheshin një forcë dominuese nga Triglav në Stamboll në mënyra të ndryshme, dhe sigurisht në zonën deri në Bullgari dhe Greqi. Meqenëse Serbia është ngritur, meqenëse Serbia, fjalë për fjalë, është ngritur si një feniks nga hiri, është zgjuar dhe është bërë më e fortë, ata duan të frenojnë forcën e Serbisë. Dhe nuk ka ndonjë filozofi të madhe. Kjo është arsyeja pse ata janë të bashkuar me Prishtinën, Tiranën dhe të gjithë të tjerët”, përfundoi Vuçiç. 

aleksandar vuçiç

Sondazh

Poll

MË SHUMË