Bota

Kaos në Greqi/ Fermerët dalin në protestë, bllokojnë rrugën Athinë-Selanik, disa të lënduar gjatë përplasjeve me policinë (VIDEO)

Gjatë protestës, fermerët kërkojnë pagesën e menjëhershme të dëmshpërblimeve dhe zgjidhjen e problemeve që prekin prodhuesit e vegjël dhe të mesëm.

30 Nëntor 2025, 17:20 Nga E. D
Kaos në Greqi/ Fermerët dalin në protestë, bllokojnë
pamje nga vendngjarja

GREQI- Fermerët në Greqi janë mbledhur në protestë duke bllokuar rrugët këtë të diele. Ata janë mbledhur në autostradën Athinë-Selanik duke e bllokuar në të dyja drejtimet. Gjatë protestës, fermerët kërkojnë pagesën e menjëhershme të dëmshpërblimeve dhe zgjidhjen e problemeve që prekin prodhuesit e vegjël dhe të mesëm.

Fermerë nga Farsala, Tyrnavos, Elassona, Larissa, Platykambos, Agia dhe Magnesia u bënë bashkë, ndërsa u mbështetën edhe nga punëtorë, anëtarë të Qendrës së Punës dhe studentë. Për disa orë bllokuan trafikun, gjithashtu fermerët arritën të thyenin bllokadat dhe të hynin në autostradën kombëtare.

Dy oficerë policie u plagosën në sulmet në vendngjarje, të cilët u dërguan në spital për ndihmën e parë, si dhe dy fermerë u raportuan se u plagosën pas përleshjeve. Gjithashtu sipas mediave greke, sindikalisti i njohur i fermerëve, Christos Sideropoulos, u dërgua në spital pasi humbi ndjenjat nga gazi lotsjellës.

Qarkullimi në disa akse rrugore mbetet i kufizuar, ndërsa protestat pritet të zgjasin deri më 5 dhjetor dhe mund të përfshijnë edhe bllokime portesh e doganash. Policia në Thesali ka vazhduar me rregullimin e trafikut, ndërsa janë bërë tre arrestime.

Sipas ELAS-it, dy persona u arrestuan në Larissa, njëri akuzohet për dhunë ndaj zyrtarëve dhe zyrtarëve gjyqësorë, dëmtim të pronës së të tjerëve dhe rezistencë, ndërsa i dyti akuzohet për dëmtim të pronës së të tjerëve. Ndërkohë arrestimi i tretë u zhvillua në kryqëzimin e Nikaias dhe ka të bëjë me lëndime trupore, dhunë ndaj zyrtarëve dhe rezistencë./Dosja.al

greqi fermeret proteste

Sondazh

Poll

MË SHUMË