Bota

Tragjedia në Hong Kong/ Rritet numri i viktimave nga zjarri i cili shkatërroi një kompleks apartamentesh 

Raporti u përditësua, pasi policia inspektoi tre kulla të tjera nga tetë në kompleksin ëang Fuk Court në distriktin Tai Po.

30 Nëntor 2025, 14:09 Nga E.d
Tragjedia në Hong Kong/ Rritet numri i viktimave nga zjarri i cili
Foto ilustruese

KINA- Policia tha se numri i të vdekurve nga zjarri, që shkatërroi një kompleks apartamentesh në Hong Kong javën e kaluar u rrit në të paktën 146 persona dhe mund të rritet më tej.

"Numri i të vdekurve është 146 që nga ora 16:00 (ora lokale, ora 10:00 e mëngjesit sipas kohës lindore) dhe nuk mund ta përjashtojmë mundësinë e vdekjeve të tjera", u tha gazetarëve zëdhënësi i policisë Chang Suk-yin.

Raporti u përditësua, pasi policia inspektoi tre kulla të tjera nga tetë në kompleksin ëang Fuk Court në distriktin Tai Po. Zjarri shpërtheu të mërkurën pasdite, më 26 nëntor, për arsye ende të panjohura. Ka dyshime se ndodhi fillimisht në seksionet e poshtme të rrjetës mbrojtëse, që mbulonte vendin e rinovimit të ndërtesës dhe e cila e mbronte nga pluhuri dhe objektet që binin.

Mediat e huaja shkruajnë se zjarri u përhap shpejt në kullat e tjera, me sa duket, përveç rrjetës, dhe për shkak të paneleve të shkumës dhe përdorimit të bambusë të zakonshme në Hong Kong në vend të metalit për skelat. Ky është zjarri më vdekjeprurës në ndërtesa që nga viti 1980 në botë, duke përjashtuar zjarret në klubet e natës, burgjet apo qendrat tregtare, sipas një hulumtimi në bazën e të dhënave të fatkeqësive të Universitetit të Leuvenit në Belgjikë./Dosja.al

hong kong zjarri  146 persona

Sondazh

Poll

MË SHUMË