Aktualitet

Operacioni i RENEA-s në Orosh! DETAJE nga arrestimi i Hamza Ukës dhe Julian Cumrakut: U ndihmuan nga një person i tretë që ruante një profil të ulët e qëndronte në zona të errëta...

Dy të shoqëruarit dyshohet se jetonin në këtë kullë malore prej rreth një muaji, ku u kapën pas më shumë se 12 orësh rezistencë ndaj Policisë së Shtetit.

26 Nëntor 2025, 10:51 Nga M.L
Operacioni i RENEA-s në Orosh! DETAJE nga arrestimi i Hamza Ukës dhe
Dy të arrestuarit

PUKA- Detaje të reja dalin në dritë pas arrestimit të Erzen (Hamza) Ukës dhe Julian (Adem) Cumrakut në një kullë të pabanuar në fshatin Orosh, dalin në dritë detaje të reja mbi aktivitetin e dyshimtë të tyre. Dy të shoqëruarit dyshohet se jetonin në këtë kullë malore prej rreth një muaji, ku u kapën pas më shumë se 12 orësh rezistencë ndaj Policisë së Shtetit.

Hetimet kanë zbuluar se ata kanë qenë të mbështetur edhe nga një person i tretë, i cili ka udhëtuar shpesh nga Tirana drejt Fushë-Arrëzit dhe Oroshit. Ky individ është parë herë pas here në lokalet e qytetit me Ukën dhe Cumrakun, duke ruajtur profil të ulët, dhe shpesh qëndronte në zona të errëta, pa frekuentuar dyqanet lokale.

Sipas informacioneve për mediat, i njëjti person, me flokë të gjata të lidhura dhe pantallona kamuflazhi, është parë duke ndihmuar dy të arrestuarit edhe në aktivitetet e përditshme, si për shembull prerjen e druve, dhe është ngatërruar disa herë me prezencën e dy grave brenda kullës.

Në kohën e ndalimit dhe në mjediset e Drejtorisë së Policisë së Shkodrës, Uka dhe Cumraku nuk kanë pranuar të bashkëpunojnë me hetuesit dhe kanë deklaruar se mund t’i japin llogari vetëm Zotit. Mësohet se të dy janë lidhur edhe me xhaminë e fshatit Kryezi, një xhami pa shërbime fetare që frekuentohet kryesisht gjatë Bajramit dhe qëndron e hapur pa çelës. Cumraku dhe Uka janë parë duke kryer namazin e së premtes në këtë xhami./Dosja.al

erzen (hamza) uka julian (adem) cumraku

Sondazh

Poll

MË SHUMË