Politike

Gjykata e Lartë 'vulos' vendimin e Apelit të GJKKO! Nuk ka hetim për Olta Xhaçkën dhe bashkëshortin, Artan Gaçi

Treshja e gjyqtarëve të Gjykatës së Lartë, me relator Sokol Binaj dhe anëtarë Ilir Panda e Sander Simoni, vendosi të mos ndryshojë qëndrimin e mëparshëm të SPAK-ut, i cili në dy raste kishte vendosur mosfillimin e procedimit penal ndaj çiftit Xhaçka–Gaçi.

19 Nëntor 2025, 16:09 Nga M.L
Gjykata e Lartë 'vulos' vendimin e Apelit të GJKKO! Nuk ka
Foto ilustruese

TIRANA- Gjykata e Lartë ka konfirmuar vendimin e Apelit të Posaçëm Antikorrupsion, duke refuzuar rekursin e paraqitur nga Fredi Beleri lidhur me hetimin e ish-ministres së Jashtme, Olta Xhaçka, dhe bashkëshortit të saj, Artan Gaçi.

Treshja e gjyqtarëve të Gjykatës së Lartë, me relator Sokol Binaj dhe anëtarë Ilir Panda e Sander Simoni, vendosi të mos ndryshojë qëndrimin e mëparshëm të SPAK-ut, i cili në dy raste kishte vendosur mosfillimin e procedimit penal ndaj çiftit Xhaçka–Gaçi.

Çështja lidhej me procedurat e privatizimit të tokave në zonën e Himarës, ku parashikohej ndërtimi i një resorti turistik, dhe për të cilat Gaçi kishte përfituar statusin e investitorit strategjik.

Beleri i kishte kallëzuar ish-ministren dhe bashkëshortin e saj për disa vepra penale, por organi i akuzës nuk konstatoi bazë për nisjen e hetimeve ndaj tyre. Ndërkohë, në të njëjtën çështje, SPAK ka marrë të pandehur ish-kryetarin e Bashkisë Himarë, Jorgo Goro, i cili akuzohet për shpërdorim detyre në lidhje me tjetërsimin e dy sipërfaqeve të tokës mbi të cilat Gaçi përfitoi statusin e investitorit strategjik.

olta xhaçka artan gaçi gjykata e lartë

Sondazh

Poll