Politike

“Ribashkimi çliron dhe sjell prosperitet”,Rama: Ballkani Perëndimor është aset dhe jo barrë! Zgjerimi nuk është vetëm politik por...

 Gjatë fjalës së tij në Forumin e Zgjerimit në Bruksel, Rama u shpreh se anëtarët e rinj zgjerojnë tregun, sjellin dinamizëm, novacion dhe energji rinore.

18 Nëntor 2025, 16:18 Nga E.d
“Ribashkimi çliron dhe sjell prosperitet”,Rama: Ballkani
Edi Rama

BELGJIKË- Kryeministri i vendit, Edi Rama ka deklaruar sot se zgjerimi nuk është vetëm politik por është dhe ekonomik. Gjatë fjalës së tij në Forumin e Zgjerimit në Bruksel, Rama u shpreh se anëtarët e rinj zgjerojnë tregun, sjellin dinamizëm, novacion dhe energji rinore.

Ai tha se Ballkani Perëndimor nuk është barrë përkundrazi, sjell burime, pozicion, popullsi, energji, pasuri dhe asete për të ardhmen e BE. Në fund, kreu i qeverisë tha se ribashkimi çliron dhe sjell prosperitet. 

“Ribashkimi çliron dhe sjell prosperitet. Po, zgjerimi nuk është vetëm politik por është dhe ekonomik. Anëtarët e rinj zgjerojnë tregun, sjellin dinamizëm, novacion dhe energji rinore, Ballkani Perëndimor nuk janë barrë aspak përkundrazi, ne sjellin burime, pozicion, popullsi, energji, pasuri dhe asete për të ardhmen e BE. Dhe në fund sjellin një buzëqeshje në fytyrën shumë shpejtë të zymtë të BE.

Zgjerimi funksionon sa herë BE ka ftuar anëtarë të rinj në klubin e saj përfitimet kanë tejkaluar frikën. Çdo herë ka ndodhur kjo. Shifrat e tregojnë qartë. Faktet e ilustrojnë këtë gjë dhe nuk ka as dhe një arsye të vetme, që të besojmë se gjërat do jenë ndryshe tashmë, përkundrazi sa më shpejt të ndodhë aq më mirë do jetë për BE”, tha Rama./Dosja.al

edi rama be integrim

Sondazh

Poll