Politike

“Kjo foltore mund të kthehet në shpresë”, deputetja e PD: E ardhmja e fëmijëve tanë është vjedhur! Shqipëria meriton të jetojë dhe jo të mbijetojë

Deputetja theksoi se problemi nuk lidhet vetëm me shifrat, por edhe me të ardhmen e fëmijëve shqiptarë, të cilën sipas saj e ka prekur keqpërdorimi i pasurisë publike.

17 Nëntor 2025, 19:15 Nga M.L
“Kjo foltore mund të kthehet në shpresë”, deputetja e
Elda Hoti

TIRANA- Gjatë protestës së sotme të Partisë Demokratike para Kryeministrisë, deputetja Elda Hoti u shpreh kritik ndaj qeverisë “Rama”, duke u fokusuar te çështjet e korrupsionit dhe pasurive publike të humbura gjatë viteve të fundit. Hoti veçoi rastin e zëvendëskryeministres Belinda Balluku, e cila është marrë e pandehur nga SPAK.

Deputetja theksoi se problemi nuk lidhet vetëm me shifrat, por edhe me të ardhmen e fëmijëve shqiptarë, të cilën sipas saj e ka prekur keqpërdorimi i pasurisë publike. Ajo shtoi se protestat e PD-së mund të përbëjnë një hap drejt rikthimit të shpresës për qytetarët dhe për forcimin e zërave kritikë ndaj qeverisë.

"50 mln euro vodhi Belinda Balluku vetëm me një firmë në Tunelin e Llogarisë. 80 mln euro me dy TEC-et lundruese, 180 mln euro me tenderin e shit blerjes së energjisë. Këto nuk janë thjesht shifra, këto janë ditë jetë të marra qytetarëve. Këto janë e ardhmja e vjedhur e fëmijëve tanë. Këto janë mundësitë e shkatërruar, prandaj po protesta ka vlerë, fjala ka vlerë dhe bashkimi ka vlerë dhe kjo foltore këtu mund të kthehet në shpresë, sepse ne nuk jemi këtu veç për politke, jemi këtu për Shqipërinë që meriton të jetojë dhe jo të mbijetojë, për të krijuar një kontratë shprese, dinjiteti me popullin shqiptar," tha Hoti.

elda hoti protesta e pd

Sondazh

Poll

MË SHUMË