Politike

Berisha publikon denoncimin e qytetarit dixhital: Queens Casino me pronar Luftar Hysën dhe Dritan Rexhepin

Lideri i opozitës e cilësoi Luftar Hysën sot në konferencë për mediat si mikun e preferuar të Edi Ramës, të lidhur me kartelin meksikan të Sinaloas dhe me figura të larta të qeverisë shqiptare. 

14 Nëntor 2025, 20:32 Nga E. D
Berisha publikon denoncimin e qytetarit dixhital: Queens Casino me pronar Luftar
Sali Berisha

TIRANË- Kreu i Partisë Demokratike, Sali Berisha ka publikuar denoncimin e një qytetari dixhital i cili thotë se “Queens Casino” në Montreal të Kanadasë ka për pronarë Luftar Hysën dhe Dritan Rexhepin, i njohur si “baron” i madh i drogës që trafikohej nga Ekuadori në Evropë, apo dhe Eskobari i ri.

Postimi i Berishës: 

“Queens Casino” me pronar Luftar Hysën dhe Dritan Rexhepin!

Lexoni denoncimin e qytetarit dixhital. Doktor nje informacion i sigurt qe kam nga miqte e mi Queens Casino ne pronesi te luftar hyses eshte bashk aksioner dhe Narkotrafikanti Dritan Rexhepi ju lutem anonim.

Lideri i opozitës e cilësoi Luftar Hysën sot në konferencë për mediat si mikun e preferuar të Edi Ramës, të lidhur me kartelin meksikan të Sinaloas dhe me figura të larta të qeverisë shqiptare. Gjithashtu Kryedemokrati denoncoi se Rama i bëri avokatinë Luftar Hysës duke e shpallur edhe investitor strategjik, ndërsa i hapi rrugë pastrimit të parave të drogës në vendin tonë. 

Hysa u sanksionua ditën e djeshme nga SHBA së bashku me familjen e tij. Sipas Thesarit, familja Hysa, apo HOCG, përfshin anëtarët e familjes, Luftar Hysa, Arben Hysa, Ramiz Hysa, Fatos Hysa dhe Fabjon Hysa.

Kjo familje akuzohet se e ka përdorur ndikimin e vet përmes investimeve ose kontrollit mbi biznese të ndryshme me bazë në Meksikë duke përfshirë lokale bastesh dhe restorante për t’i shpëlarë paratë e përfituara nga trafiku i narkotikëve./Dosja.al

sali berisha luftar hysa

Sondazh

Poll