Politike

Rama: Ndryshimi i klimës, kërcënimet kibernetike janë sfidat që kërkojnë zgjidhje

Gjatë fjalës së tij në konferencën vjetore të IAIS, Rama u shpreh se industria e sigurimeve është përballë sfidave të jashtëzakonshme dhe zgjedhjeve të vështira për ta kthyer rrezikun në rezistencë.

14 Nëntor 2025, 09:39 Nga E.d
Rama: Ndryshimi i klimës, kërcënimet kibernetike janë sfidat
Edi Rama

TIRANË- Kryeministri i vendit, Edi Rama ka deklaruar sot se ndryshimi i klimës dhe kërcënimet kibernetike janë sfidat që kërkojnë zgjidhje. Gjatë fjalës së tij në konferencën vjetore të IAIS, Rama u shpreh se industria e sigurimeve është përballë sfidave të jashtëzakonshme dhe zgjedhjeve të vështira për ta kthyer rrezikun në rezistencë.

Udhëheqësi i PS-së tha se për të siguruar një të ardhme të qëndrueshme duhet të përqafojmë një qasje rezistente. Në fund, kryeministri Rama tha se shumë familje apo biznese të vogla mbeten pa mbrojtje të nevojshme, ndaj duhet siguruar rrjetet e sigurisë.

“Jemi në një kohë ku e gjejmë vetën të rrethuar nga më shumë rreziqe. Ndryshimi i klimës, kërcënimet kibernetike janë sfidat që kërkojnë prej nesh zgjidhje. Në këtë moment përcaktues është afërmendsh që industria e sigurimeve është përballë sfidave të jashtëzakonshme dhe zgjedhjeve të vështira për ta kthyer rrezikun në rezistencë. Kërcënimet ndaj klimës apo pasiguritë financiare, janë të ndërlidhura. Për të siguruar një të ardhme të qëndrueshme duhet të përqafojmë një qasje rezistente. Ndërkohë që përballemi me rreziqe shpesh na mungon rezistenca financiare. Në shumë vende ekzistojnë ende hendeqe të mbulimit. Shumë familje apo biznese të vogla mbeten pa mbrojtje të nevojshme. Ne na duhet të sigurojmë rrjetet tona të sigurisë. Evoluimi digjital që po kalojnë synon të krijojë tregje më efikase”, tha Rama./Dosja.al

edi rama klima siguri kibernetike

Sondazh

Poll

MË SHUMË