Politike

Vrasja në Rinas/ Berisha: Provë se në Shqipëri qeveria dhe mafia janë bërë një

Më anë të një postimi në Facebook, Berisha shkruan se ta u qëlluan, në zonën më të mbrojtur të shtetit, midis policisë, FNSH-së dhe njësive speciale për mbrojtjen e VIP-ave.

13 Nëntor 2025, 11:52 Nga I.A
Vrasja në Rinas/ Berisha: Provë se në Shqipëri qeveria dhe
Sali Berisha

TIRANË- Kreu i partisë Demokratike Sali Berisha ka reaguar për ngjarjen e rëndë që ndodhi dy ditë më parë në Rinas ku mbeti i vrarë një person dhe një tjetër u plagos rëndë. Më anë të një postimi në Facebook, Berisha shkruan se ta u qëlluan, në zonën më të mbrojtur të shtetit, midis policisë, FNSH-së dhe njësive speciale për mbrojtjen e VIP-ave. Sipas kreut demokrat kjo, është provë se në Shqipëri qeveria dhe mafia janë bërë një.

Postimi i Plotë:

Ekzekutimi i Gilmando Danit dhe plagosja e Shaljanit ndodhën në zonën më të mbrojtur të shtetit, midis policisë, FNSH-së dhe njësive speciale për mbrojtjen e VIP-ave. Atentatorët hynë e dolën pa pengesë. Kjo s’është rastësi. Është provë se në Shqipëri qeveria dhe mafia janë bërë një!

The execution of Gilmando Dani and the Wounding of Shaljani happened in the most heavily protected area of the state — surrounded by police, the FNSH, and special units tasked with protecting VIPs. The assassins came and went without any obstruction. This is no coincidence. It’s proof that in Albania, the government and the mafia have become one!

Si ndodhi ngjarja?

Atentati mafioz ndodhi mesditën e 11 nëntorit pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil./Dosja.al

sali berisha

Sondazh

Poll

MË SHUMË