Aktualitet

“Benz-i” ku u vra krahu i djathtë i Shullazit në pronësi të tij? Reagon Elvis Kosova: Zot na ruaj, është në emër të kompanisë

Ndërkohë që ka shtuar se nuk e di fare se sa makinë hyjnë e dalin nga kompania e tij. 

12 Nëntor 2025, 11:38 Nga I.A
“Benz-i” ku u vra krahu i djathtë i Shullazit në
Elvis Kosova

TIRANË- Elvis Kosova, që u raportua se ishte pronari i automjetit tip Benz, me të cilin po udhëtonin Gilmando Dani dhe Muçi Shaljani ka reaguar. Në një koment në rrjete sociale Elvis Kosova, shkruan se automjeti është në pronësi të kompanisë. Ndërkohë që ka shtuar se nuk e di fare se sa makinë hyjnë e dalin nga kompania e tij. 

“As nuk e mbaj mend ta kem pasur ndonjëherë këtë makinë. Nuk është në emrin tim fare, është në emër të kompanisë. Sa makina hyjnë e dalin nga kompanitë e mia, s’di, s’kam fjalë me këto. Zot na ruaj,” shkruan Vis Kosova.

“Benz-i” ku u vra krahu i djathtë i Shullazit në
Komenti

Si ndodhi ngjarja?

Atentati mafioz ndodhi mesditën e djeshme pranë pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.

Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil./Dosja.al

elvis kosova gilmando dani muçi shaljani

Sondazh

Poll

MË SHUMË