Aktualitet

Kultivonin bimë narkotike në disa qytete! Goditet grupi shqiptar në Spanjë, shkatërrohen katër plantacione

Operacioni policor u mbyll me arrestimin e gjashtë personave, pesë burrave dhe një grua, të moshës midis 19 dhe 51 vjeç.

5 Nëntor 2025, 19:54 Nga E.d
Kultivonin bimë narkotike në disa qytete! Goditet grupi shqiptar
Foto ilustruse

SPANJË- Policia spanjolle ka goditur një grup shqiptar, i cili kultivonte lëndë narkotike. Bima narkotike kultivohej në provincën e Alikantes. Operacioni policor u mbyll me arrestimin e gjashtë personave, pesë burrave dhe një grua, të moshës midis 19 dhe 51 vjeç. Gjithashtu u shkatërruan katër plantacionet e mbyllura në qytetet Elche, Petrrer, Torrellano dhe San Miguel de Salinas.

Të arrestuarit akuzohen për trafik droge, pjesëmarrje në një organizatë kriminale dhe mashtrim me energjinë elektrike. Përveç kësaj, udhëheqësi i dyshuar i grupit përdorte identitete të rreme për të marrë me qira depo dhe shtëpi, dhe për këtë arsye akuzohet edhe për falsifikim dokumentesh.

Autoritetet spanjolle thanë se rrjeti funksiononte duke përdorur një model të plantacioneve të brendshme të vendosura në ndërtesa industriale dhe shtëpi familjare, të përshtatura me sisteme të përparuara ndriçimi, ventilimi dhe ujitjeje të lidhura ilegalisht me rrjetin elektrik. Kjo infrastrukturë lejonte kultivimin e vazhdueshëm pa kosto ligjore të energjisë. Hetimet zbuluan gjithashtu bashkëpunimin e klaneve lokale që siguruan logjistikë dhe fuqi punëtore, ndërsa udhëheqësit shqiptarë kontribuan me kapital dhe kontakte ndërkombëtare./Dosja.al

spanjë katër plantacione bimë narkotike

Sondazh

Poll

MË SHUMË