Sport

Klauzola e çuditshme e Luciano Spallettit me Juventusin që zbuluan mediat italiane...

Bardhezinjtë me sa duket kanë marrë një ekspert të futbollit Italian, siç konsiderohet Luciano Spalletti.

2 Nëntor 2025, 18:15 Nga DOSJA

Klauzola e çuditshme e Luciano Spallettit me Juventusin që zbuluan

ITALI - Ai u emërua ditën e enjte dhe në këtë fundjavë, pikërisht dje, në ndeshjen e tij debutuese në stolin e “Zonjës së Vjetër”, arriti të marrë edhe 3 pikët e para pas fitores 2-1 përballë Cremoneses.

Gjithsesi kontrata e tij që ka firmosur me bardhezinjtë është deri në fund të këtij sezoni dhe skadon në qershor dhe siç u tha publikisht me një opsion për t’u rinovuar edhe për dy vite të tjera. Gjithsesi objektivi dhe arritja e shtyrjes së kontrate është arritja në zonën e Ligës së Kampioneve.

Ndërkohë mediat italiane kanë zbuluar një klauzolë disi të çuditshme dhe jo shumë të sigurtë për trajnerin e ri. Sipas tyre klauzola e shtyrjes së kontratës edhe për dy vite të tjera është një opsion që e saktëson vetëm klubi, pra nuk ka një objektiv fiks dhe që aktivizohet automatikisht siç u përmend me plotësimin e objektivit të vënë që është zona e Ligës së Kampioneve.

Një detaj ky që ka bërë të diskutohet shumë për planin emergjent që kanë zgjedhur drejtuesit bardhezi, duke mos menduar për shumë gjatë.

B.T (Dosja.al)

Sondazh

Poll

MË SHUMË