Politike

"Mirënjohës Presidentes Osmani dhe Arabisë Saudite"/ Njohja e pavarësisë nga Siria, Kurti: Kosova do të punojë për forcimin dhe ngritjen marrëdhënieve bilaterale

Me anë të një postimi në Facebook, Kurti e ka cilësuar këtë si një tjetër sukses diplomatik për vendin, duke theksuar se brenda këtij viti Kosova ka siguruar tri njohje të reja, nga Kenia, Sudani dhe tani Siria.

29 Tetor 2025, 19:34 Nga E. D
"Mirënjohës Presidentes Osmani dhe Arabisë Saudite"/
Albin Kurti

KOSOVË- Kryeministri, Albin Kurti ka reaguar, pasi Siria ka njohur zyrtarisht pavarësinë e Republikës së Kosovës. Me anë të një postimi në Facebook, Kurti e ka cilësuar këtë si një tjetër sukses diplomatik për vendin, duke theksuar se brenda këtij viti Kosova ka siguruar tri njohje të reja, nga Kenia, Sudani dhe tani Siria.

Ai ka shprehur mirënjohje për Presidenten Vjosa Osmani për përpjekjet e saj diplomatike dhe për Mbretërinë e Arabisë Saudite, e cila sipas tij luajti një rol të rëndësishëm në këtë proces. Ai gjithashtu theksoi se nga sot Kosova do të punojë për forcimin e lidhjeve me Sirinë dhe për ndërtimin e marrëdhënieve bilaterale me interesa të përbashkëta.

Postimi i Kurtit: 

Pas Kenias dhe Sudanit, Siria bëhet shteti i radhës që njeh Kosovën brenda këtij viti. Tri njohje dhe tri partneritete të reja më shumë për vendin tonë. Për këtë lajm të mirë për shtetin dhe të gjithë qytetarët tanë, i jemi mirënjohës përpjekjeve të suksesshme të Presidentes sonë Vjosa Osmani dhe mbështetjes së Mbretërisë së Arabisë Saudite si shtet mik e partner i Republikës sonë. Nga sot angazhohemi që lidhjet mes nesh të fuqizohen duke ngritur marrëdhënie bilaterale me interesa të përbashkëta dhe partneritete afatgjatë./Dosja.al

albin kurti

Sondazh

Poll

MË SHUMË