TIRANË- Biznesmeni Dashamir Gjoka është ndaluar nga Policia e Shtetit pasditen e sotme pranë zonës së Rinasit. Gjoka ka qënë duke udhëtuar me fuoristradën e blinduar të tij, makinë e cila në fund është sekuestruar nga “blutë” e kryeqytetit.
Nuk dihet ende nëse ndalimi i tij ka të bëjë me pasuritë e paligjshme që sipas Policisë ai disponon dhe kapin vlerën e 2 miliardë lekësh.
Dy ditë më parë, operacioni Forca e Ligjit i ka kërkuar “llogari” Gjokës lidhur me pasurinë e tij. (Lexo këtu) OFL i ka vënë në dispozicion Gjokës formularin e vetëdeklarimit të pasurisë dhe burimit të origjinës së parave. Në një komunikim për shtyp, OFL sqaroi se Dashamir Gjokës, i kërkohet deklarimi pasi është i dënuar në Itali për trafik të qenieve njerëzore.
“– Dashamir. Gj., me banim në Durrës, pasi rezulton i dënuar në Itali për veprën penale “Trafik i qenieve njerëzore,”-thuhej në njoftimin e Policisë.
Biznesmeni Gjoka nuk është një emër i panjohur për autoritetet shqiptare, pasi në vitin 2017, ai i shpëtoi një atentati në afërsi të komunës Xhafzotaj, në vendin e quajtur “4 rrugët” në Shijak. Gjoka ishte në makinë bashkë me të bijën, dhe shpëtoi fatmirësisht pasi makina ku ndodhej ishte e blinduar. Për më shumë detaje lidhur me pasurinë e tij dhe të shkuarën (Kliko këtu)
Gjoka, si subjekt i Ligjit Special, duhet t’i përgjigjet me shkrim të gjitha pyetjeve të OFL-së dhe përgjigjet e marra do t’i dërgohen SPAK-ut, i cili do të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre. 48 orë kanë kaluar dhe nuk dihet ende nëse Gjoka e ka dorëzuar formularin e tij dhe nëse ka qënë kjo arsyeja e prangosjes nga ana e efektivëve të Policisë.
Sapo të bëjë këtë vlerësim, SPAK-u duhet t’i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit, në jo më shumë se 6 muaj Gjykata Speciale duhet të vendosë për konfiskimin përfundimtar të tyre. Me marrjen e masës së sekuestros, çdo pronë e subjekteve do të administrohet nga agjencia e posaçme e Ministrisë së Brendshme. Vetëm banesa mund të vazhdojë të përdoret për strehim, por nuk mund të shitet apo të jepet me qira nga subjekti.
Të gjitha subjektet e Ligjit Special, pra të gjithë të dënuarit apo të akuzuarit gjatë 30 viteve të fundit, për krimet e parashikuara në këtë ligj, do të kalojnë sitën e provës së ligjshmërisë së pasurisë së tyre. Asnjë përjashtim nuk do të ketë dhe nuk mund të ketë dhe çdo përpjekje për të tjetërsuar ndërkohë pronën, duke përdorur familjarë apo të njohur, do të rëndojë të dyja palët. Kujtojmë se Ligji Special parashikon vlerësime dhe hetime specifike të pasurisë edhe për rrethin familjar të personave të dënuar apo akuzuar për krim të organizuar e krime të rënda.
Si vijon puna pas marrjes së formularit?
Brenda dy ditësh, subjektet duhet të përgjigjen me shkrim për çdo pyetje të OFL. SPAK, brenda 15 ditësh, duhet të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre. Sapo të bëjë këtë vlerësim, SPAK-u duhet t’i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit, në jo më shumë se 6 muaj Gjykata Speciale duhet të vendosë për konfiskimin përfundimtar të tyre.
(k.m./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Europol ka arrestuar sot 25 persona me orgjinë shqiptare të cilët dyshohen se janë pjesë në një organizatate krimianle që operonte në disa shtete. ...
TIRANË– Lulzim Cuku ka telefonuar kunatën e tij menjëherë pasi ka vrarë të shoqen, Manjolën, që e goditi me një thikë në zemër në sy të fëmijëve të mitur. ...
TIRANË– Këshilli i Lartë Gjyqësor ka emëruar gjyqtare në Gjykatën e Tiranës, ish-avokaten e Shtetit Alma Hiçkën. Vendimi për emërimin e saj është ma...
FUSHË KRUJË– Një vatër zjarri është aktivizuar këtë pasdite në Fushë Krujë në lagjen “Bakushe Visha”. Përhapja e flakëve në zonë po favorizohet edhe n...
Struktura e Posaçme kundër Krimit të Organizuar dhe Korrupsionit ka sekuestruar dosjen e tenderit për kthimin e landfillit të Porto Romanos në park.Tende...
MEMALIAJ– Një aksident tragjik ka ndodhur mesditën e sotme në aksin Memaliaj-Krahës, ku dy persona kanë humbur jetën dhe një tjetër ka mbetur i plagosur. Sipas...
TIRANË- Ambasadorja e SHBA në Tiranë, Yuri Kim, ka zhvilluar sot një takim me anëtarët e Këshillit të Lartë Gjyqësor. Në një postim në mediat sociale, amba...
SHKODËR- Kur Gjoni hyri në derën e Zyrës për Djem dhe Burra (ZDB), nuk arrija ti besoja syve. I gjatë, i bukur dhe jo më shumë se 25 vjeç, ky djalë/...
TIRANË- Në fund të vitit 2018, kompania hidrokarbure ‘Terraoil Swiss’ – e cila ka një marrëveshje me Albpetrol për shfrytëzimin e fushës naftëmbajtëse të V...
TIRANË- Ministrja e Shëndetësisë dhe Mbrojtjes Sociale, Ogerta Manastirliu në kuadër të masave parandaluese për koronavirusin, mblodhi Task Forcën. Në fjal...