Aktualitet

Gjyqi ndaj Plaurent Dervishaj/ Gjykata urdhëron shoqërimin e detyrueshëm të babait të Ervin Matës, biznemeni Luan Mata nuk është paraqitur vullnetarisht

Gjatë seancës së kësaj të premteje u morën në pyetje tre dëshmitarë, mes tyre edhe Vullnet Muça, vëllai i Aleksandër Lahos (Rrumi). Procesi do të vijojë në seancën e ardhshme, ku është përsëritur thirrja për disa dëshmitarë të tjerë, përfshirë Luan Matën, babain e Ervin Matës, i cili vijon të jetë në kërkim ndërkombëtar.

17 Tetor 2025, 13:04 Nga M.L
Gjyqi ndaj Plaurent Dervishaj/ Gjykata urdhëron shoqërimin e
Foto ilustruese

TIRANA- Në Gjykatën e Posaçme kundër Korrupsionit dhe Krimit të Organizuar (GJKKO) ka përfunduar seanca gjyqësore ndaj të pandehurve Plarent Dervishaj dhe Julian Meçaj, në kuadër të fazës së pyetjes së dëshmitarëve të thirrur nga SPAK. Gjatë seancës së kësaj të premteje u morën në pyetje tre dëshmitarë, mes tyre edhe Vullnet Muça, vëllai i Aleksandër Lahos (Rrumi). Procesi do të vijojë në seancën e ardhshme, ku është përsëritur thirrja për disa dëshmitarë të tjerë, përfshirë Luan Matën, babain e Ervin Matës, i cili vijon të jetë në kërkim ndërkombëtar.

Meqë Luan Mata nuk është paraqitur në asnjë prej thirrjeve të deritanishme, gjykata ka vendosur urdhrin e shoqërimit të detyrueshëm për biznesmenin. Sipas SPAK, dëshmia e tij është e rëndësishme për hetimin e ngjarjes së ndodhur në maj të vitit 2020, kur në hotelin në pronësi të tij në rrugën e “Dibrës” u vendos një sasi tritoli. Për këtë ngjarje, organi i akuzës dyshon se janë përfshirë Ramazan Rraja, Plarent Dervishaj dhe Julian Meçaj.

Hetimet e SPAK tregojnë se Dervishaj dhe Meçaj dyshohet t’i kenë vënë në dispozicion automjetin që është përdorur nga Rraja për vendosjen e lëndës plasëse./ Dosja.al

gjkko ervin mata luan mata

Sondazh

Poll

MË SHUMË