Aktualitet

Kishte fshehur në banesë mbi 7 kg kanabis me qëllim shitjen, arrestohet i moshuari me precedentë penale në Lezhë

Gjatë kontrollit të ushtruar në shtëpinë e tij, blutë gjetën dhe sekuestruan në cilësinë e provës materiale 7 kilogramë e 350 gramë lëndë të dyshuar narkotike të llojit cannabis sativa.

17 Tetor 2025, 09:25 Nga M.L
Kishte fshehur në banesë mbi 7 kg kanabis me qëllim shitjen,
Foto ilustruese

LEZHË- Policia e Lezhës ka vënë në pranga një 62-vjeçar, i cili akuzohet se mbante në banesë sasi të konsiderueshme lënde narkotike me qëllim shitjen. Gjatë kontrollit të ushtruar në shtëpinë e tij, blutë gjetën dhe sekuestruan në cilësinë e provës materiale 7 kilogramë e 350 gramë lëndë të dyshuar narkotike të llojit cannabis sativa.

I arrestuari, me inicialet B.Z., rezulton me precedentë penalë të mëparshëm për disa vepra penale. Sipas hetimeve paraprake, ai dyshohet se posedonte kanabisin me qëllim shitjen në doza. Ndaj 62-vjeçarit rëndon akuza për veprën penale “Prodhimi dhe shitja e narkotikëve”

NJOFTIMI:

Kurbin/Finalizohet operacioni policor i koduar “Streha”, për goditjen e veprimtarive kriminale në fushën e narkotikëve.

Kishte fshehur në banesën e tij, në fshatin Vinjoll, 7 kilogramë e 350 gramë lëndë të dyshuar narkotike kanabis, arrestohet 62-vjeçari.

Nga hetimet dyshohet se ky shtetas e posedonte lëndën narkotike, me qëllim shitjen në doza. I arrestuari, me precedent për disa vepra penale.

Shërbimet e Komisariatit të Policisë Kurbin, në vijim të punës për goditjen e veprimtarive kriminale në fushën e narkotikëve, bazuar në informacione të siguruara në rrugë operative, kanë organizuar dhe finalizuar në bashkëpunim me Forcat e Posaçme “Shqiponja”, operacionin policor të koduar “Streha”.

Gjatë operacionit, shërbimet e Policisë kanë ushtruar kontroll në banesën e shtetasit B. Z., në fshatin Vinjoll, ku gjetën dhe sekuestruan në cilësinë e provës materiale 7 kilogramë e 350 gramë lëndë të dyshuar narkotike cannabis sativa, të cilën dyshohet se ky shtetas e posedonte me qëllim shitjen në doza.

Në përfundim të veprimeve të para hetimore, shtetasi B. Z., 62 vjeç, banues në fshatin Vinjoll, u arrestua në flagrancë për veprën penale “Prodhimi dhe shitja e narkotikëve”.

Vijojnë hetimet për dokumentimin e plotë të kësaj veprimtarie kriminale. Materialet procedurale iu referuan Prokurorisë, për veprime të mëtejshme.

Sondazh

Poll

MË SHUMË