Politike

"Të pafajshmit në burgje, kriminelët e lirë"/ Blushi: Sot dënohesh për 1 cigare hashash, por jo për 1 maune me drogë

Blushi tha se mbipopullimi i burgjeve është dëshmi i një shteti policor. Ndër të tjera Blushi nënvizoi se sot dënohesh për 1 cigare hashash, por jo për 1 maune me drogë.

14 Tetor 2025, 15:17 Nga E. D
"Të pafajshmit në burgje, kriminelët e lirë"/
Tedi Blushi

TIRANË- Sekretari i Përgjithshëm i PL-së, Tedi Blushi deklaroi se burgjet në Shqipëri janë mbushur me qytetarët të pafajshëm dhe kriminelët janë enden të lirë. Blushi tha se mbipopullimi i burgjeve është dëshmi i një shteti policor. Ndër të tjera Blushi nënvizoi se sot dënohesh për 1 cigare hashash, por jo për 1 maune me drogë.

"Paraburgimi është një nga padrejtësitë më të mëdha. Mbipopullimi i burgjeve, dëshmi e shtetit represiv dhe policor të Edi Ramës. Gati 2/3 e qytetarëve në burgje janë të paraburgosur dhe 1/3 e tyre janë pa akuzë. Gati 3 herë më e lartë se mesatarja e Bashkimit Europian. Sot burgjet janë mbushur me të pafajshëm, ndërsa kriminelët janë të lirë. Sot dënohesh për 1 cigare hashash, por jo për 1 maune me drogë.

Sot dënohesh për një kotec pa leje por jo për një kullë pa leje. Kërkesat e Prokurorise për arrest me burg po shkatërrojnë jetë njerëzish. Vullneti juaj për të kërkuar arrest me burg për lidhje të paligjshme të energjisë elektrike ka çuar në vetëvrasje brenda burgjeve. Kanë humbur jetën në burg për 35 mijë lekë të vjetra të papaguara për OSSHE. A ndiheni fajtor Z. Kryeprokuror që i keni shërbyer instalimit të një regjimi represiv që është i ashpër me të dobtit dhe i butë me të fortit.

Ju si e shikoni rolin e Prokurorisë deri tani. Ndiheni përgjegjës që goditen në mënyrë kriminale më të pambrojturit Kemi rritje të vrasjeve, të kriminalitetit dhe të korrupsionit. Ju a keni patur presione nga plotitikanë dhe ambasadore? Keni qenë pjese e "Task Forcës", cfarë masash morët ju për të parandaluar krimet zgjedhore në 11 Maj?" tha Tedi Blushi.

tedi blushi

Sondazh

Poll

MË SHUMË