Aktualitet

Trafik droge e pjesë e një organizate kriminale! Prokuroria e Shkodrës i sekuestron apartamentin të dënuarit në SHBA e Itali me 4 identitete

Nga hetimet e deritanishme rezulton se shtetasi L. M. (alias L. K., L.K., L.M.), i lindur më 14 mars 1969, në bashkëpunim me shtetasen J. N., dyshohet se kanë konsumuar elementët e veprës penale të pastrimit të produkteve të veprës penale.

13 Tetor 2025, 15:03 Nga M.L
Trafik droge e pjesë e një organizate kriminale! Prokuroria e
Foto ilustruese

SHKODËR- Prokuroria e Shkodrës ka sekuestruar disa pasuri të paluajtshme që dyshohet se janë përfituar nga të ardhura kriminale. Në kuadër të hetimeve është bllokuar një apartament dhe një sipërfaqe toke, të cilat, sipas organit të akuzës, janë blerë me fonde të dyshimta.

Nga hetimet e deritanishme rezulton se shtetasi L. M. (alias L. K., L.K., L.M.), i lindur më 14 mars 1969, në bashkëpunim me shtetasen J. N., dyshohet se kanë konsumuar elementët e veprës penale të pastrimit të produkteve të veprës penale.

Sipas provave të administruara, pasuria është blerë nga shtetasja J. N. me fonde të dyshuara të ardhura nga veprimtaria kriminale e L. M., ndërsa kjo e fundit nuk ka burime të ligjshme të të ardhurave që të justifikojnë investimin.

Hetimet kanë zbuluar se shtetasi L. M. është dënuar nga Gjykata e Distriktit të Shteteve të Bashkuara të Amerikës, Distrikti Jugor i Nju Jorkut, për vepra penale që lidhen me trafikimin e lëndëve narkotike në bashkëpunim. Ai gjithashtu ka qenë në kërkim nga Interpol Roma, pasi me vendimin nr. 71/05 1044/05R.G.C.A, datë 07.10.2005, të Gjykatës së Apelit të Salernos (Itali), është dënuar me 25 vite burg për veprat penale të “Organizatë kriminale, drogë, pengmarrje, heqje e paligjshme e lirisë dhe mbajtje pa leje të armëve luftarake”.

NJOFTIMI I PROKURORISE:

Prokuroria pranë Gjykatës së Shkallës së Parë të Juridiksionit të Përgjithshëm Shkodër sekuestron një apartament në Shkodër, në kuadër të hetimeve për pastrim parash

Prokuroria pranë Gjykatës së Shkallës së Parë të Juridiksionit të Përgjithshëm Shkodër, në kuadër të hetimeve që janë zhvilluar për veprën penale të “Pastrimit të produkteve të veprës penale ose veprimtarisë kriminale”, e kryer në bashkëpunim, parashikuar nga neni 287/2 i Kodit Penal, ka vendosur masën e sekuestros preventive mbi një pasuri të paluajtshme.
Masa e sekuestros është vendosur mbi pasurinë e paluajtshme:

•Lloji: Apartament

•Sipërfaqja: 103.4 m²

•Adresa: Lagjja “Vasil Shanto”, Shkodër

Nga hetimet e deritanishme rezulton se shtetasi L. M (alias L. K alias L.K alias L.M), i datëlindjes 14.03.1969, në bashkëpunim me shtetasen J. N, dyshohet se kanë konsumuar elementët e veprës penale të sipërcituar. Sipas provave të administruara, pasuria është blerë nga shtetasja J. N me fonde të dyshuara të ardhura nga veprimtari kriminale, të transferuara më parë nga shtetasi L.M. Po ashtu, kjo shtetase nuk rezulton të ketë burime të ligjshme të të ardhurave që të justifikojnë investimin. Shtetasi L. M është denuar nga Gjykata e Distriktit të Shteteve të Bashkuara të Amerikës, Distrikti Jugor i New York, për vepra penale në fushën e trafikimit të lëndëve narkotike, kryer në bashkëpunim. Gjithashtu, ky shtetas ishte në kërkim nga Interpol Roma pasi me vendimin nr.71/05 1044/05R.G.C.A, datë 07.10.2005 të Gjykatës së Apelit të

Salernos është dënuar me 25 vjet burg për veprat penale të “Organizatë kriminale, drogë, pengmarrje, heqje e paligjshme e lirisë dhe mbajtja pa leje e armëve dhe municioneve luftarake”.

Gjykata ka pranuar kërkesën e Prokurorisë për vendosjen e masës së sekuestros preventive, me qëllim parandalimin e tjetërsimit të pasurisë dhe ruajtjen e saj për konfiskim të mundshëm në përfundim të procesit penal./ Dosja.al

preokuroria e shkodres

Sondazh

Poll

Aktualitet 13 Tetor 2025, 10:29 D.K

A po e normalizon RTSH-në, Eni Vasili?

TIRANË- Shqipëria ka dy televizione të mëdha që ndajnë mes tyre pjesën më të madhe të audiencës dhe t&e...

MË SHUMË