Bota

"Izraeli ka fituar gjithçka që mund të fitonte", Trump-Netanyahut: Bota e do përsëri Izraelin! Tani është koha për paqe e begati në Lindjen e Mesme

Trump njoftoi gjithashtu se do të takohet me disa krerë shtetesh në samitin që do të mbahet në Sharm el-Sheikh, Egjipt, ku do të diskutohet për një marrëveshje paqeje afatgjatë mes Izraelit dhe Hamasit.

13 Tetor 2025, 14:13 Nga M.L
"Izraeli ka fituar gjithçka që mund të fitonte",
Donald Trump

IZRAEL- Presidenti i SHBA-së thotë se marrëveshja e armëpushimit në Lindjen e Mesme mes Izraelit dhe Hamasit nuk mund të ishte arritur pa goditjen e tri objekteve bërthamore të Iranit nga ana e SHBA më herët gjatë këtij viti.

Ai theksoi se "Izraeli, me ndihmën tonë, ka fituar gjithçka që mund të fitonte", duke shtuar se tani është koha për "paqe dhe begati për të gjithë Lindjen e Mesme".

Trump njoftoi gjithashtu se do të takohet me disa krerë shtetesh në samitin që do të mbahet në Sharm el-Sheikh, Egjipt, ku do të diskutohet për një marrëveshje paqeje afatgjatë mes Izraelit dhe Hamasit.

"Së bashku kemi treguar se paqja nuk është thjesht një shpresë që mund ta ëndërrojmë, por një realitet që mund ta ndërtojmë çdo ditë," theksoi Trump.

Ai shprehet se shpreson që më shumë shtete nga rajoni do të nënshkruajnë Aktet e Abrahamit, që normalizuan marrëdhëniet mes Izraelit dhe disa shteteve myslimane.

Në fund, ai i thotë kryeministrit izraelit Netanyahu: "Bota e do përsëri Izraelin"./ Dosja.al

donald trump benjamin netanyahu lufta ne lindjen e mesme

Sondazh

Poll

MË SHUMË