Aktualitet

Kërkoi shfuqizimin e dënimit, Gjykata Kushtetuese rrëzon kërkesën e Kastriot Ismailajt, i dënuar më parë me 11 vite burg për pastrim parash dhe mashtrim

Biznesmeni Ismailaj është dënuar me 11 vite burg në vitin 2017 nga Gjykata e Tiranës, për veprat penale “mashtrim me pasoja të rënda” dhe “pastrim parash”.

11 Tetor 2025, 14:25 Nga E.d
Kërkoi shfuqizimin e dënimit, Gjykata Kushtetuese rrëzon
Foto ilustruse

TIRANË - Gjykata Kushtetuese ka rrëzuar kërkesën e Kastriot Ismailaj, biznesmeni i cili kërkonte shfuqizimin e dënimit të tij. Biznesmeni Ismailaj është dënuar me 11 vite burg në vitin 2017 nga Gjykata e Tiranës, për veprat penale “mashtrim me pasoja të rënda” dhe “pastrim parash”. Këto akuza ishin ngritur ndaj tij në lidhje me marrëveshjen CEZ–DIA.

Ish-administrator i kompanisë DIA kërkonte me anë të ankimimit të paraqitur, shfuqizimin e vendimeve të Gjykatës së Tiranës, Apelit dhe Gjykatës së Lartë, të cilat kishin lënë në fuqi dënimin e tij. Ismailaj kërkonte gjithashtu edhe rrëzimin e vendimit për konfiskimin e shumave 4.2 milionë dollarë, 450 mijë euro dhe 12 milionë lekë.

Pas shqyrtimit të çështjes, Gjykata Kushtetuese ka rrëzuar kërkesën e tij. Biznesmeni i akuzuar për përvetësimin e 5 milionë eurove, aktualisht është në gjendje të lirë, pasi në vitin 2023 ka përfunduar dënimin e tij./Dosja.al

gjykata kushtetuese kastriot ismailaj cez–dia

Sondazh

Poll