Aktualitet

Kërcënoi gjyqtarët me vrasje, Gjykata e Shkodrës lë në burg Gjovalin Shkambin

Shkambi akuzohet për kanosje dhe kërcënim, pasi një ditë pas vrasjes së gjyqtarit Astrit Kalaja nga nipi i tij, ai kërcënoi gjyqtarët që do të dënonin nipin e tij. 

10 Tetor 2025, 11:42 Nga I.A
Kërcënoi gjyqtarët me vrasje, Gjykata e Shkodrës lë
Gjovalin Shkambi

SHKODËR- Gjykata e Shkodrës ka lënë në masë sigurie 'arrest me burg' Gjovalin Shkambin, xhaxhait e Elvis Shkambit. Shkambi akuzohet për kanosje dhe kërcënim, pasi një ditë pas vrasjes së gjyqtarit Astrit Kalaja nga nipi i tij, ai kërcënoi gjyqtarët që do të dënonin nipin e tij. 

Si ndodhi ngjarja e rëndë ?

Ngjarja ndodhi pas përfundimit të një seance gjyqësore për një çështje pronësie në Shkodër, e cila ishte në shqyrtim në Apelin e Tiranës. Mësohet se gjyqtari Astrit Kalaja kishte dhënë vendimin kundër palës së përfaqësuar nga Elvis dhe Gjon Shkambi. Menjëherë pas shpalljes së vendimit, Elvis Shkambi ka nxjerrë armën dhe ka qëlluar tre herë në drejtim të gjyqtarit, duke e goditur në gjoks dhe lënë të vdekur në vend. Gjatë të njëjtës ngjarje, janë plagosur edhe babë e bir, Rakip dhe Ervis Kurtaj, pala tjetër në proces, të cilët ndodhen aktualisht në Spitalin e Traumës dhe janë jashtë rrezikut për jetën./Dosja.al

gjovalin shkambi astrit kalaja

Sondazh

Poll

MË SHUMË