Aktualitet

"Plan masash për sigurinë e tyre"/ Prokurori i Përgjithshëm, Olsian Çela thërret në mbledhje drejtuesit e prokurorive: Shqetësim për cënimin e magjistratëve

Në takim u analizua gjendja e parametrave të sigurisë në institucion dhe nevoja për përmirësimin e tyre, kushtet e punës në të cilat punojnë prokurorët dhe problemet e infrastrukturës që lidhen me sigurinë e ambienteve të punës.

9 Tetor 2025, 18:39 Nga E. D
"Plan masash për sigurinë e tyre"/ Prokurori i
foto ilustruese

TIRANË- Prokurori i Përgjithshëm Olsian Çela thirri sot në një mbledhje drejtuesit e prokurorive dhe prokurorë nga të gjitha prokuroritë. Kjo mbledhje vjen pas vrasjes së gjyqtarit Astrit Kalaja. Në takim u analizua gjendja e parametrave të sigurisë në institucion dhe nevoja për përmirësimin e tyre, kushtet e punës në të cilat punojnë prokurorët dhe problemet e infrastrukturës që lidhen me sigurinë e ambienteve të punës.

Gjithashtu Prokurorët ngritën shqetësim për sulmet e vazhdueshme publike ndaj tyre të cilat ndikojnë në rritjen e pasigurisë në ushtrimin e detyrës. Po ashtu përfundimet e këtij takimi do të diskutohen më tej me prokurorët në mbledhjet që do mbahen në çdo prokurori për të vijuar më pas me një plan masash institucionale në koordinim edhe me institucionet e tjera të drejtësisë.

Prokurori i Përgjithshëm mbështet dhe solidarizohet me qëndrimin e trupës së gjyqtarëve në mbledhjen e sotme për të gjitha çështjet që lidhen me sigurinë e magjistratëve, duke vlerësuar se ka nevojë për një rikonfigurim tërësor të standardeve të sigurisë për sistemin e drejtësisë dhe do të kontribuojë në këtë aspekt në koordinim me gjithë institucionet përgjegjëse./Dosja.al

Sondazh

Poll

MË SHUMË