Politike

Kërkoi mbylljen e seancës/ Balla: U bllokua nga deputetët që zaptuan foltoren

Në fjalën e tij, Balla theksoi se deputetët demokratë në mënyrë të vazhdueshme dhe të qëllimshme bllokojnë diskutimet e rendit të ditës.

9 Tetor 2025, 12:19 Nga I.A
Kërkoi mbylljen e seancës/ Balla: U bllokua nga deputetët që
Taulant Balla

TIRANË- Kreu i Grupit Parlamentar të PS, Taulant Balla ia ka faturuar opozitës mbyljen e Kuvendit sot. Në fjalën e tij, Balla theksoi se deputetët demokratë në mënyrë të vazhdueshme dhe të qëllimshme bllokojnë diskutimet e rendit të ditës. Në fund të fjalës së tij, Balla tha se kjo situatë nuk është aspak e papritur për të, duke shtuar se pas kësaj është një strategji e qartë e udhëhequr nga Sali Berisha.

“Dy orë dhe nuk është e mundur që të fillojë diskutimi për rendin e ditës. Kur merr fjalën një i Këshillit të Ministrave ke disa mercenarë që turren për të mos lënë ministrat të flasin. Fyejnë me një fjalor rrugaçi çdo koleg. Jemi në një situatë që mua nuk është se më duket e papritur. Kjo është strategji e një personi. Sali Berisha këtë e ka zanat. Zallamahia e PD që thotë për Artur Shehun. Për transparencë, Artur Shehu është njeriu që transportuar me makinë Berishën për të hyrë në Vlorë. Unë dhe asnjë nga PS nuk ka udhëtuar me atë. Berisha nuk do të që të flasi njeri nga të vetët. E merr fjalën 7 herë për procedurë.

Ranë dakord që sot nuk do të kemi diskutime të zgjatura. Dy orë nuk hymë dot në rendin e ditës. Sa kohë që të jem kryetar grupi në momentin që strategjia e Saliut për të mos e lënë të flasë as të vetët e asnjë, do të marri këtë përgjigje. Gjatë kësaj seance, seanca u bllokua nga deputet që uzurpuan foltoren. Dhe deputetët nuk lanë ministrat të flasin dhe nuk ka për tu lejuar historia e vjetër të ripërsëritet nga një person që nuk i intereson. Për mua Saliu është zero. Nuk kemi miratuar ligje, miratuam rezolutat që ishin miratuar në komisione. Kuvendi as nuk duhet t’i shqyrtojë këto rezoluta. Ka mbetur si një shtojsë e vjetër në rregullore”, tha Balla./Dosja.al

taulant balla

Sondazh

Poll

MË SHUMË