Art&Argëtim

“Vdes Ismail Kadare”, Ministres kosovare i hapin profil të rremë: Më keqpërdorën emrin, nuk kam Twitter (FOTO)

5 Shkurt 2020, 13:11 Nga DOSJA
“Vdes Ismail Kadare”, Ministres kosovare i hapin profil të

KOSOVË–Ministres së re të Kulturës Rinisë dhe Sporteve në Kosovë, Vlora Dumoshit, i kanë hapur një profil fallso në Twitter dhe i kanë shpërndarë një lajm të rremë, duke shkruar se shkrimatari Ismail Kadare ka vdekur.

Kjo ngjarje ka ndodhur ditën e sotme, ku me këtë adresë në emrin e Dumoshit është publikuar lajmi se Kadare ka vdekur, madje thuhet se vdekja e tij është konfirmuar edhe nga Ministrja e Kulturës në Shqipëri Elva Margariti.

Menjëherë pasi lajmi u shpërnda nga dhjetëra persona të tjerë në rrjetet sociale dhe u bë viral postimi i rremë në gjuhën angleze për vdekjen e Kadaresë, ka reaguar pas disa minutash edhe Ministrja Dumoshi përmes një statusi në profilin e saj të vërtetë në Facebook, ku përgënjeshtron gjithçka.

“Sapo u njoftova se dikush ka hapur një llogari të rrejshme në emër timin në rrjetin social Twitter dhe të njëjtën e ka keqpërdorur, duke lëshuar lajme të rrejshme -fake neës. Dua të ju informoj se unë nuk kam asnjë llogari në Twitter. Menjëherë do ta paraqes rastin në Policinë e Kosovës, departamentin e krimeve kibernetike. Dëshiroj të shpreh keqardhjen time për këdo që mund të jetë trazuar nga këto lajme të rrejshme, duke keqpërdorur emrin tim”, ka shkruar Dumoshi.

A.C/Dosja.al

1 vit nga zgjedhjet e 25 prillit si e shikoni gjendjen e vendit:

View Results

kulture kulture vdes ismail kadare vlora dumoshi vdes ismail kadare vlora dumoshi

Sondazh

Poll