Aktualitet

Gjykata urdhëroi kontrolle në kompanitë “Nedix Albania” dhe “Pharma Plus”/ Dyshohen si biznese në administrimin e Nadir Çaushollit

Aksioni është urdhëruar nga prokurori Ndini Tavani, ndërkohë që ambientet e kompanisë mbahen të rrethuara me forca policie, që prej ditës së djeshme.

2 Tetor 2025, 17:18 Nga DOSJA
Gjykata urdhëroi kontrolle në kompanitë “Nedix
Nadir Çausholli

TIRANË- Gjykata e Tiranës urdhëroi kontrolle në ambientet e dy kompanive farmaceutike, “Nedix Albania” dhe “Pharma Plus”, në lidhje me hetimin për skemën e barnave të rimbursueshme. Siç raportohet, këto kompani dyshohen se janë të administruara nga pronari i CFO pharma Nadir Çausholli, i njohur në sektorin farmaceutik. 

Aksioni është urdhëruar nga prokurori Ndini Tavani, ndërkohë që ambientet e kompanisë mbahen të rrethuara me forca policie, që prej ditës së djeshme. Gjithashtu Prokuroria dyshon se të tre kompanitë janë përfshirë në një skemë faturash false dhe shitjes fiktive të barnave me qëllim për të përfituar rimbursime. Në qendër të hetimit janë veçanërisht dy medikamente që përdoren për sëmundjen e astmës, të quajtur respektivisht Foster dhe Trimbow.

Foster dhe Trimbow janë dy medikamente, të cilët përdoren për trajtimin e astmës. Të dy këto barna janë produkte ekskluzive, që do të thotë se kanë vetëm një furnitor në tregun shqiptar, pra kompaninë italiane Chiesi. Gjithashtu Pharma Plus dyshohet se ka deklaruar inventar mbi 3200 kuti Foster dhe Trimbow, pa asnjë blerje të këtyre produkteve. Ndërsa Medyx ka deklaruar mbi 16 mijë kuti pa bërë asnjë blerje.

nadir Çausholli

Sondazh

Poll

MË SHUMË