Sport

Deulofeu: "Fëmijët e mi po më kërkojnë të kthehem në fushë. Dhe kjo më thyen zemrën"

Deulofeu lufton për t'u rikthyer në futboll pas një dëmtimi të rëndë në gju

28 Shtator 2025, 09:30 Nga DOSJA

Deulofeu: "Fëmijët e mi po më kërkojnë të

ITALI - Duke mos luajtur që nga janari i vitit 2023, Gerard Deulofeu nuk është dorëzuar ende nga futbolli, pavarësisht të gjitha arsyeve pse është dashur të heqë dorë. Duke qenë jashtë fushave për gati dy vjet, spanjoli 31-vjeçar vazhdon të luftojë për t'u rikthyer në fushë, duke synuar të bëjë "histori". Për veten e tij dhe, më e rëndësishmja, për familjen e tij.

"Do të jetë shumë e vështirë, por dua të bëj histori. Mendoj se mund të jem lojtari i vetëm që kthehet pasi ka kaluar më shumë kohë larg fushës. Do të ishte një rekord i mrekullueshëm dhe i bukur për mua. Dhe do ta bëja për familjen dhe fëmijët e mi. Ata kanë lindur dhe më kanë njohur si futbollist, dhe tani që po rriten, po më kërkojnë të kthehem në fushë. Dhe kjo më thyen zemrën", tha sulmuesi për Flashscore.

Lojtari i stërvitur te Barcelona nuk po dorëzohet, pavarësisht se problemi me gjurin e djathtë nuk është aspak i lehtë. "Është më shumë se një dëmtim; është diçka afër një paaftësie të përhershme. Mund të kem nevojë për një zëvendësim të gjurit.

Nuk mund të bëj asnjë hap sepse një kockë përplaset me tjetrën. Është shumë më serioze. Po luftoj kundër biologjisë dhe gjithashtu kundër mendjes sime", pranoi spanjoli, i cili, pavarësisht se nuk ka një klub, vazhdon të punojë në mjediset e Udineses.

"Jam me fat që kam ekipin tim, presidentin tim dhe shokët e mi të ekipit që më presin. Për fat të mirë, mund të stërvitem çdo ditë. Dhe kjo më jep forcë, duke qenë në gjendje të stërvitem në stadiumin tim çdo ditë."

B.T (Dosja.al)