Politike

FOTO/ Kush është punonjësi i Bashkisë Ersekë që ‘Çuçka’ i falsifikoi firmën në dy procedura tenderimi

Tartari, aktualisht është punonjës i bashkisë Ersekë por sipas dosjes së SPAK, ai nuk ka qënë prezent në këto mbledhje, ku ndaheshin paratë publike tek kompanitë private qe preferohezhin nga kryetari Erion Isai. Komisionet e vlerësimeve të ofertave ishin thjesht një formalitet ku anëtarët edhe pse nuk ishin prezent firmosnin sipas dëshirave të kryebashkiakut.

27 Shtator 2025, 17:05 Nga I.A
FOTO/ Kush është punonjësi i Bashkisë Ersekë që
Muharrem Tartari dhe Erion Isai

ERSEKË- Personi që shihni në këtë foto është Muharrem Tartari, nga Erseka, të cilit në dy raste i është falsifikuar firma duke nënkuptuar prezencën e tij në mbledhjet e komisionit të vlerësimit të ofertave. Foto e siguruar nga gazetari Elton Qyno, tregon përdorimin e nënpunësve të thjeshtë të administratës për qëllime përfitimi.

Tartari, aktualisht është punonjës i bashkisë Ersekë por sipas dosjes së SPAK, ai nuk ka qënë prezent në këto mbledhje, ku ndaheshin paratë publike tek kompanitë private qe preferohezhin nga kryetari Erion Isai. Komisionet e vlerësimeve të ofertave ishin thjesht një formalitet ku anëtarët edhe pse nuk ishin prezent firmosnin sipas dëshirave të kryebashkiakut.

Në dosjen e SPAK thuhet se Autoriteti Rrugor Shqiptar kishte hartuar një projekt për ndërtimin e rrugës Korçë-Ersekë, Loti II. Projekti parashikonte ndryshime të konsiderueshme, me rreth 30% të gjatësisë në gjurmë të re dhe 70% në gjurmën ekzistuese. Por, ky projekt kalonte në zona të banuara dhe sillte dëmtime të mëdha nga ana mjedisore, urbane dhe rrëshqitje në fshatrat Mollas, Qinam, Selenicë. 

10 vjet më pas Bashkia Kolonjës vendosi të kërkonte hartimin e një projekti të ri, me argumentin se nuk kishte staf teknik apo burime financiare për hartimin e një projekti të përmasave të tilla. Në pamundësi kapcitetesh, por dhe fondesh, iu drejtua kompanive private që ta realizonin në formë donacioni. Nga 3 kompania të cilave Bashkia Kolonjë u kërkoi shërbim, vetëm kompania “A & E Engineering” e Entela Çanos dha përgjigje pozitive. Pas kësaj, më 3 Prill 2020, Bashkia Kolonjë lidhi kontratën e sponsorizimit/shërbim me kompaninë “A & E Engineering”, në pronësi të Entela Çanos. Kontrata u nënshkrua nga kryebashkiaku Erion Isai, ndërsa për kompaninë firmosi administratorja Entela Çano.

Më 1 Qershor 2020, kompania “A & E Engineering” dorëzoi pranë Bashkisë projekt-zbatimin, i cili u mor në dorëzim përmes një komisioni të ngritur me urdhër të kryebashkiakut Erion Isai. Komisioni përbëhej nga Muharrem Tartari (kryetar), Erjon Cenko dhe Engjëll Dine. Në dosje thuhet se përmes ekspertimit grafik me urdhër të SPAK, rezultoi se firma e Muharrem Tartarit ishte falsifikuar, pra ai nuk kishte marrë pjesë në marrjen në dorëzim të projektit, ndonëse në dokument ishte paraqitur si i pranishëm. Hetimet zbuluan se falsifikimi ishte kryer nga anëtarët e komisionit Erjon Cenko dhe Engjëll Dine, në bashkëpunim me administratoren e kompanisë Entela Çano, të cilët kishin sajuar procesverbalin duke përfshirë në mënyrë fiktive firmën e Tartarit.

erion isai muharrem tartari

Sondazh

Poll

MË SHUMË