Aktualitet

FOTOLAJM/ Rrugët e Tiranës mbushen me postera të komandantëve të UÇK

Siç shihet edhe në pamje postera me portretet e komandantëve të UÇK-së që po gjykohen në Hagë janë venbdosur në tabela në rrugë. 

27 Shtator 2025, 09:34 Nga E. D
FOTOLAJM/ Rrugët e Tiranës mbushen me postera të
fotot e komandantëve të UÇK

TIRANË- Rrugët e Tiranës janë mbushur me fotot e komandantëve të UÇK. Siç shihet edhe në pamje postera me portretet e komandantëve të UÇK-së që po gjykohen në Hagë janë venbdosur në tabela në rrugë.  Ish-krerët e UÇK prej disa vitesh po përballen me gjykatën e Hagës, ndërsa mbështetja dhe nderimi për rolin e tyre në luftën për lirinë dhe pavarësi nderohet në Kosovë dhe Shqipëri.

Gjykimi i katër ish-eprorëve të UÇK-së nisi në vitin 2023.

Thaçi ishte udhëheqës politik i UÇK-së para dhe gjatë luftës së viteve 1998–1999, Veseli udhëheqës i shërbimit të inteligjencës, Krasniqi zëdhënës, ndërsa Selimi anëtar i shtabit të përgjithshëm. Aktakuza kundër tyre përfshin akuza për burgosje të paligjshme, torturë, vrasje, krime kundër njerëzimit, zhdukje me forcë dhe persekutim të qindra civilëve dhe personave që nuk morën pjesë në luftime.

Këto krime dyshohet se ndodhën midis marsit 1998 dhe shtatorit 1999 në vende të ndryshme në Kosovë, por edhe në veri të Shqipërisë. Sipas Dhomave të Specializuara, Thaçi, Veseli, Krasniçi dhe Selimi mbajnë përgjegjësi penale personale për këto krime, por të gjithë ata e mohojnë fajësinë.

Avokatët mbrojtës kanë deklaruar se UÇK-ja nuk do të kishte fituar mbështetjen e bashkësisë ndërkombëtare nëse do të kishte ekzistuar një plan kriminal, siç pretendojnë prokurorët. Sipas tyre, aktakuza bazohet në një keqinterpretim selektiv të ngjarjeve.

FOTOLAJM/ Rrugët e Tiranës mbushen me postera të

uÇk

Sondazh

Poll