Aktualitet

EMRI/ Tentoi të vriste Emiljano Palokën në Velipojë, deportohet nga Italia 26-vjeçari

Gjykata e Shkallës së Parë e Juridiksionit të Përgjithshëm Shkodër, i ka caktuar të riut masën e sigurisë "Arrest në burg", për veprat penale "Vrasja me dashje", mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit".

26 Shtator 2025, 13:49 Nga DOSJA
EMRI/ Tentoi të vriste Emiljano Palokën në Velipojë,
Ekstradimi

TIRANË- 26-vjeçari Kristjan Lulaj është deportuar ditën e sotme nga Italia. Mësohet se Lulaj kërkohej nga interporli për plagosjen e Emiljano Palokës, vitin e kaluar në Velipojë. 

Gjykata e Shkallës së Parë e Juridiksionit të Përgjithshëm Shkodër, i ka caktuar të riut masën e sigurisë "Arrest në burg", për veprat penale "Vrasja me dashje", mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit".

Njoftimi i Policisë:

Interpol Tirana Tentoi të vriste një shtetas, në fshatin Baks, Velipojë, në muajin prill 2024, ekstradohet nga Italia, 26-vjeçari. Në vijim të bashkëpunimit të ngushtë ndërmjet Interpol Tiranës dhe Interpol Romës, me objektiv lokalizimin, kapjen dhe ekstradimin e shtetasve të kërkuar ndërkombëtarisht, për llogari të Shqipërisë dhe Italisë, për vepra penale të ndryshme, në kuadër të operacionit "The Wanted", u finalizua procedura e ekstradimit në Shqipëri, të shtetasit Kristian Lulaj, 26 vjeç, të lindur në Shkodër.

26-vjeçari ishte në kërkim, sepse në maj 2025, Gjykata e Shkodrës i ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”. Më datë 02.04.2024, shtetasi K. L. ka plagosur me armë zjarri, shtetasin E. P., në fshatin Baks, Velipojë.

kristjan lulaj emiljano paloka

Sondazh

Poll

MË SHUMË