Trump ka pretenduar se një sërë aksidentesh teknike të cilat i kanë ndodhur kohët e fundit, ishin të qëllimita dhe synonin ta mininin atë. Aksidentet përfshijnë ndalimin e shkallëve lëvizëse, dështimin e ledit dhe probleme me audion.
SHBA – Presidenti i SHBA-së Donald Trump ka kërkuar një hetim për sabotimin e trefishtë, gjatë vizitës së tij në Asamblenë e Përgjithshme të Kombeve të Bashkuara. Trump ka pretenduar se një sërë aksidentesh teknike të cilat i kanë ndodhur kohët e fundit, ishin të qëllimita dhe synonin ta minonin atë. Aksidentet përfshijnë ndalimin e shkallëve lëvizëse, dështimin e ledit dhe probleme me audion.
"Një turp i vërtetë ndodhi dje në Kombet e Bashkuara. Jo një, jo dy, por tre ngjarje shumë të këqija!" tha Trump në një postim në Truth Social.
CNN raportoi se gjatë fjalimit të tij, Trump tha se ka marrë nga OKB-ja dy gjëra, një shkallë lëvizëse e keqe dhe një led të keq.
"Këto janë dy gjërat që mora nga Kombet e Bashkuara: një shkallë lëvizëse e keqe dhe një led i keq." Tha ai.
Ndërkohë që, zëdhënësi i Sekretarit të Përgjithshëm të OKB-së, Stephane Dujarric, deklaroi se ka nisur një hetim i plotë për këto ngjarje.
“Sekretari i Përgjithshëm informoi Misionin e Përhershëm të SHBA-së se ai kishte urdhëruar tashmë një hetim të plotë dhe përcolli se OKB-ja është e gatshme të bashkëpunojë me transparencë të plotë me autoritetet përkatëse të SHBA-së për këtë çështje për të përcaktuar se çfarë i shkaktoi incidentet e përmendura nga Shtetet e Bashkuara.” deklaroi zëdhënësi i Dujarric.
Pakënaqësitë e vogla të presidentit pasqyrojnë armiqësitë e tij të përgjithshme ndaj organit ndërkombëtar, efikasitetin e të cilit ai e vuri në dyshim vazhdimisht këtë javë.
“Së pari, shkallët lëvizëse që ngjiteshin në Katin Kryesor të Fjalimeve u ndalën me zhurmë.Është e mahnitshme që unë dhe Melania nuk ramë përpara në skajet e mprehta të këtyre shkallëve të çelikut, me fytyrën përpara. Vetëm se secili prej nesh po e mbante fort parmakun, përndryshe do të kishte qenë një katastrofë. Kjo ishte absolutisht sabotim.” tha Trump.
Administrata dhe OKB-ja kanë debatuar se kush ishte përgjegjës për problemin e vogël teknik. Trump tha se do t'i dërgonte një letër udhëheqjes së OKB-së, ndërsa bëri thirrje për një hetim dhe ruajtjen e kasetave të sigurisë nga shkallët lëvizëse. Ai vuri në dukje se Shërbimi Sekret i SHBA-së është i përfshirë në situatë.
"Kjo nuk ishte rastësi, ky ishte sabotim i trefishtë në OKB. Ata duhet të turpërohen nga vetja. Po i dërgoj një kopje të kësaj letre Sekretarit të Përgjithshëm dhe kërkoj një hetim të menjëhershëm.” tha në fund Presidenti.
Ambasadori i SHBA-së në OKB, Mike Waltz, tha se i ka dërguar kërkesa zyrtare Sekretarit të Përgjithshëm të OKB-së, në lidhje me vështirësitë teknike.
"Shtetet e Bashkuara nuk do të tolerojnë kërcënime për sigurinë ose dinjitetin tonë në forumet ndërkombëtare, ne presim bashkëpunim të shpejtë dhe veprim vendimtar. Këto lëshime janë të papranueshme dhe simptomatike të një institucioni të prishur që paraqet rreziqe serioze për sigurinë dhe mbrojtjen." tha Waltz.
Foto nga takimi i Donald Trump me Mbretit Charles SHBA - Presidenti i SHBA-së Donald Trumb ka vizituar mbretin Charls në Britani, në fillim ...
SHBA- Sipas Donald Trump, Ukraina është e aftë, me ndihmën e aleatëve perëndimorë, të rimarrë territorin e s...
Foto Ilustruese GJERMANI- Të dekurajuar, të pavendosur, shumë të kujdesshëm, të përqendruar te siguria, me një doz...
DANIMARKË- Aeroportet në Danimarkën perëndimore janë rihapur mëngjesin e së enjtes, pasi kishin qëndruar të mbyll...
JD Vance SHBA- Nënpresidenti amerikan, JD Vance, dhe sekretari amerikan i Shtetit, Marco Rubio, i kanë bërë jehonë qasjes së ...
SERBI- Serbia edhe një herë po përballet me akuza se operativë të dyshuar rusë kanë trajnuar qytetarë nga Moldavia n&e...
foto ilustruese UKRAINË- Në një ndryshim të papritur të qëndrimit, presidenti amerikan, Donald Trump, tha se Ukraina mund t&...
portretet SHBA- Presidenti Donald Trump ka hequr nga “Korridori i Presidentëve”, paraardhësit të tij Joe Biden. S...
foto ilustruese SLLOVENI- Qeveria sllovake vendosi të mërkurën të shtyjë për një kohë të pacaktuar votimin p&...
foto ilustruese SHBA- Shtetet e Bashkuara kanë nisur në hapësirë tri anije kozmike në përpjekje që të monitoroj&eu...