Politike

Mesila Doda iku nga grupi parlamentar i PD, Kadiu: PD sot ka një deputet më pak, problemi qëndron te besimi i pamerituar

Në një postim në Facebook, Kadiu thekson se me këtë vendim, demokratët sot kanë një deputet më pak nga ata që u zgjodhën më 11 maj.

18 Shtator 2025, 08:43 Nga I.A
Mesila Doda iku nga grupi parlamentar i PD, Kadiu: PD sot ka një deputet
Hysen Kadiu

TIRANË- Kandidati që doli i pari në primaret e Partisë Demokratike në qarkun e Tiranës, Hysen Kadiu ka komentuar vendimin e Mesila Dodës për të mos qenë pjesë e grupit parlamentar të PD-së. Në një postim në Facebook, Kadiu thekson se me këtë vendim, demokratët sot kanë një deputet më pak nga ata që u zgjodhën më 11 maj. Sipas Kadiut, gabimi nis që me faktin që u vendos në listë të mbyllur, pasi Doda dhe në legjislaturën e kaluar ka votuar sipas interesit të saj.

Postimi i Plotë:

PD ka sot një deputet më pak nga ata që u zgjodhën më 11 maj. Mesila Doda ka vendosur të vetëshpallet deputete e pavarur edhe pse ishte në listën e sigurt të PD. Nuk ka asnjë surprizë nga ky veprim. Ajo dhe Shpëtim Idrizi kanë bërë të njëjtin akt edhe në parlamentin e shkuar. Kanë votuar sipas interesit të tyre dhe të qeverisë dhe asnjëherë nuk janë rreshtuar në front me demokratët.

Ndoshta po t’u jepet mundësia do e bëjnë të njëjtën gjë edhe në zgjedhjet e ardhshme. Sepse problemi nuk është Mesila, Shpëtimi apo modeli i tyre në politikë. Problemi qëndron tek besimi i pamerituar, tek vlerësimi dhe pozicionimi i tyre në lista të sigurta, duke privuar nga kjo e drejtë ata demokratë që e meritojnë dhe kanë luftuar për të përfaqësuar të vërtetën dhe jo hilet në parlament.

hysen kadiu mesila doda

Sondazh

Poll

MË SHUMË