Politike

Begaj dekretoi Ramën/ Bardhi: Qesharak dhe antikushtetues, po shndërrojnë Republikën në palaçollëk

Me anë të një postimi në Facebook, Bardhi thekson se dekreti i Begajt për kryeministrin me ngritjen dhe funksionimin e ministrit virtual "Diella", është qesharak dhe antikushtetues.

12 Shtator 2025, 13:31 Nga I.A

Begaj dekretoi Ramën/ Bardhi: Qesharak dhe antikushtetues, po

Gazment Bardhi

TIRANË- Kreu i Grupit Parlamentar të PD-së Gazment Bardhi ka komentuar dekretin e Presidentit Bajram Begaj për formimin e qeverisë. Me anë të një postimi në Facebook, Bardhi thekson se dekreti i Begajt për kryeministrin me ngritjen dhe funksionimin e ministrit virtual "Diella", është qesharak dhe antikushtetues. Më tej, Bardhi thekson se Begaj po tenton ta shndërrojë Republikën në një palaçollëk, siç është dhe vetë.

"Dekreti i Presidentit të Republikës për të ngarkuar kryeministrin me ngritjen dhe funksionimin e ministrit virtual "Diella", përveçse qesharak, është tërësisht antikushtetues. Ai bie ndesh me nenet 96, 97, 102 dhe 103 të Kushtetutës.

Ministër mund të emërohet: (i) shtetasi shqiptar; (ii) që ka mbushur 18 vjeç; dhe (iii) është i aftë mendërisht (shih nenet 45 dhe 103 të Kushtetutës). Cilat nga këto cilësi ka ministrja "Diella"?! Karagjozllëqet e kryeministrit nuk mund të shndërrohen në akte juridike të shtetit shqiptar. Ushtar Bajrami po tenton ta shndërrojë Republikën në një palaçollëk, siç është ai vetë," shkruan Bardhi.

diella gazment bardhi