Politike

Rama: Reformim të Komisioneve Parlamentare, grupi ka bërë një rindarje

Gjithsej do të jenë 11 komisione të përhershme parlamentare.   

11 Shtator 2025, 11:52 Nga I.A
Rama: Reformim të Komisioneve Parlamentare, grupi ka bërë
Edi Rama

TIRANË- Kryeministri Edi Rama ka deklaruar se është nevoja për një reformim i Komisioneve Parlamentare në vend. Gjatë fjalës së tij në Asamblenë e PS-së, Rama ka deklaruar se grupi i caktuar prej tij, ka bërë një rindarje të tyre. Gjithsej do të jenë 11 komisione të përhershme parlamentare.   

"Sot e gjithë ditën gjejmë ende emërtime antike të Kuvendit Popullor të Republikës së vjetër socialiste për komisionet parlamentare. Po mazallah se gjendet një lidhje organike të kuvendit të një Shqipërie të re, sipas grupkapitujve që nuk mund të kenë adresim të suksesshëm nëse nuk bëhen edhe lënda e parlamentarëve.

Grupi ka bërë pikërisht këtë, kur ka bërë rindarjen e komisioneve të përhershme, janë vendosur në funksion të suksesit të anëtarësimit. Del në pah se numri i lartë i anëtarëve për komision dhe lëvizja nga një komision në tjetrin përbëjnë një problem strukturor që ka penguar Kuvendin të ketë eficensë. Ndaj sygjerohet që për më shumë përgjegjshmëri, në secilën nga fushat prioritare për negociatat, Kuvendit i duhen më shumë komisione të përhershme dhe më pak anëtarë dhe që deputetët mos lëvizin si ambulantë," tha Rama. 

edi rama

Sondazh

Poll

MË SHUMË