Politike

Marrin fund ethet mes socialistëve/ Rama shpalos sot formacionin 'Rama 4', si do përbëhet kabineti qeveritar?

Pjesa më e madhe e fjalimit të Ramës, pritet që të fokusohet te sfidat e anëtarësimit të vendit në BE.

11 Shtator 2025, 08:29 Nga I.A

Marrin fund ethet mes socialistëve/ Rama shpalos sot formacionin 'Rama

TIRANË- Asambleja e Partisë Socialiste do të mblidhet paraditen në Tiranë. Punimet e Asamblesë së PS-së do të mbahen te kompleks Xibraku dhe pritet të nis rreth orës 09:30. Pas miratimit të rendit të ditës, pritet që të jetë fjala e kryeministrit Edi Rama. 

Pjesa më e madhe e fjalimit të Ramës, pritet që të fokusohet te sfidat e anëtarësimit të vendit në BE. Ndërkohë që në fund të fjalimit Rama do të prezantojë dhe emrat e kabinetit të ri qeveritar Rama 4. Pas fjalës së kryeministrit Rama, do të ketë një hapësirë për diskutime mes anëtarëve të PS-së. 

Komisioni Rregullator ka certifikuar me 3 vota pro dhe 2 kundër rezultatin e zgjedhjeve parlamentare të 11 majit. Nga zgjedhjet e 11 majit Partia Socialiste siguroi 83 mandate, ndërsa Partia Demokratike mori vetëm 50 mandate. Nga zgjedhjet arritën të siguronte tre vende në Kuvend edhe Partia Socialdemokrate. Ndërkohë që Partia “Mundësia” e Agron Shehajt mori dy ulëse në Parlament, “Nisma Shqipëria Bëhet” e Adriatiak Lapajt 1 mandat dhe “Lëvizja Bashkë” e Arlind Qorit 1 mandat./Dosja.al

edi rama

Sondazh

Poll

MË SHUMË