Politike

A është Evropa në një rrezik? Ish-kreu i SHISH për sulmin rus në Poloni: Përshkallëzim i pa precedentë! Provokim për të matur pulsin e NATO-s

Ajazi theksoi ndër të tjera se në 30 vitet e fundit nuk ka pasur një ngjarje të tillë. Ish-kreu i SHISH u shpreh më tej se nuk është diskutuar asnjëherë që Rusia të hyjë në luftë me vendet anëtare të NATO-s.

10 Shtator 2025, 19:36 Nga E. D
A është Evropa në një rrezik? Ish-kreu i SHISH për
Visho Ajazi

TIRANË- Ish-kreu i SHISH Visho Ajazi ka komentuar sulmin rus në Poloni. I ftuar në studion e SYRI TV, Ajazi tha se ky sulm është një provokim për për të matur pulsin e NATO-s. Ajazi theksoi ndër të tjera se në 30 vitet e fundit nuk ka pasur një ngjarje të tillë. Ish-kreu i SHISH u shpreh më tej se nuk është diskutuar asnjëherë që Rusia të hyjë në luftë me vendet anëtare të NATO-s.

A është evropa në një rrezik?

Visho Ajazi: Pa dyshim. Së pari është përshkallëzim i pa precedentë pavarësisht justifikimeve të ministrisë së Mbrojtjes ruse, sepse të pranojë se ka kryer agresion ndaj Polonisë, është shpallje lufte praktikisht. Kështu që, padyshim që ky është një provokim për të matur pulsin e NATO-s, se sa të gatshëm janë për këtë punë.

Përgjigja e NATO-s ishte shumë e shpejtë me aktivizimin e nenit 4, i cili thotë se; kur një vend anëtar i NATO-s përballet me kërcënime të tilla, ai thërret nenin 4 dhe kërkon konsultime me të gjithë aleatët se, si të veprohet me këtë rast. Gjithmonë e kërkon vendi apo vendet që ndihen të kërcënuar. 

Dhe mesa di unë, në 30 vitet e fundit nuk ka pasur një rast të tillë dhe ky është një precedent i rrezikshëm. Përgjigja e NATO-s ka qenë jo vetëm nga Polonia, por edhe nga forca ajrore të disa vendeve aleate, duke i thënë Rusisë se, nuk cedojmë asnjë centimetër. Tani a është situatë lufte nuk e besoj. Nuk është diskutuar asnjëherë që Rusia të hyjë në luftë me NATON.

visho ajazi

Sondazh

Poll

MË SHUMË