Politike

Rama: Perëndimi nuk mund të eksportojë demokracinë

ë Konferencën Ndërkombëtare për Qeverisje të zhilluar në Tiranë, Rama theksoi se duhet krijuar një model i mirë për shoqërinë bazuar tek ajo që është zgjedhur lirisht.

10 Shtator 2025, 14:20 Nga I.A

Rama: Perëndimi nuk mund të eksportojë demokracinë

TIRANË- Kryeministri Edi Rama ka deklaruar se eksportimi i demokracisë nuk është një ide e mirë. Në Konferencën Ndërkombëtare për Qeverisje të zhilluar në Tiranë, Rama theksoi se duhet krijuar një model i mirë për shoqërinë bazuar tek ajo që është zgjedhur lirisht.

Sipas Ramës vetëm një produkt mund të eksportohet së shpejti si një model që mund të ndiqet nga vendet e zhvilluara. Dhe ky produkt sipas tij, janë prokurimet publike, procese të drejtuara fund e krye nga teknologjia. Në fund të fjalës, Rama përsëriti se procesi i negociatave është një bekim për vende si Shqipëria që duan të ndërtojnë institucione të forta.

"Eksportimi i demokracisë nuk është një ide e mirë, kjo është ajo që mund të them nga këndvështrimi im. Kushdo që mendon se kjo është të shkosh shumë larg, kështu mendoj, ideja e eksportimit të demokracisë, ata që kanë patur këtë ide kanë bërë gabime të çmendura. Eksportimi i modelit tuaj sjell dëm për vetë veten, në rastin tonë ne nuk jemi në gjendje të eksportojnë modelin dhe ta adaptojnë, vendet e mëdha e kanë bërë këtë gjë.

Por ne edhe nëse mendojnë ta bëjmë dëmtojmë veten, sepse përballemi me gjëra të mira. Duhet të krijojmë një model të mirë për shoqërinë tonë bazuar tek ajo që kemi zgjedhur lirisht. Kjo nuk mund të na bëjë neve të paragjykojmë vendet e tjera, shikoni vendet e Lindjes së Mesme, si mund të paragjykojmë ata pse nuk kanë të njëjtin sistem, nuk duhet ta bëjmë, por duhet ti respektojmë dhe të mësojmë prej tyre, edhe ata duhet të mësojmë prej nesh. Por, jo ti bazojmë marrëdhëniet tonë në faktin se sa të tjerët na pëlqejnë ne.

Besoj se në Perëndim është bërë një lloj gjëje e mërzitshme ku të tjerët vetëm japin leksione, flasin për demokraci, përkundrejt autokracisë. Kush jemi ne që të vendosim se si duhet të funksionojë bota. Ne duhet të punojmë së bashku, të bashkëpunojmë dhe të ndërtojmë atë që duam. Shqipëria s’ka pasur mundësinë të zgjedhë lirisht me kë të jetojë, kemi qenë viktima të zgjedhjeve të të tjerëve. Për herë të parë kemi zgjedhur që duam të jemi pjesë e BE, është zgjedhje që e ka bërë kombi, por nuk mund ti japim leksion të tjerëve se pse nuk doni të jeni si ne. Ata do të qeshin, ashtu siç vërtet qeshin. Kjo është ideja ime. Është një gjë që mund të eksportojmë që është prokurorimi me anë të inteligjencës artificiale," tha Rama.

edi rama

Sondazh

Poll

MË SHUMË