Aktualitet

EMRAT/ I riu shqiptar në Britani goditet për vdekje me thikë nga kushëriri i tij, autori vihet në pranga

Ngjarja e rëndë ka ndodhur pas një konflikti mes tyre, pak para orës 16:30 të premten, më 29 gusht.

1 Shtator 2025, 21:41 Nga r.ll
EMRAT/ I riu shqiptar në Britani goditet për vdekje me thikë nga
foto nga vendngjarja

BRITANI- Një i ri shqiptar është goditur për vdekje me thikë nga kushëriri i tij në Leeds të Britanisë së Madhe. Ngjarja e rëndë ka ndodhur pas një konflikti mes tyre, pak para orës 16:30 të premten, më 29 gusht.

Sipas mediave britanike, Elsiado Marku, 26 vjeç, pas goditjes me thikë u shpall i vdekur në vendngjarje. Ndërkohë, kushëriri i tij, Eljon Markaj, 31-vjeç, akuzohet si autori i ngjarjes së rëndë. 

Një zëdhënës i Policisë së West Yorkshire tha: “Eljon Markaj, 31 vjeç, është lënë në paraburgim për t’u paraqitur para Gjykatës së Magjistraturës së Leeds sot (e hënë, 1 shtator). Markaj, është akuzuar gjithashtu për posedim të një arme sulmuese në një vend publik.” Policia britanike ka bërë thirrje që kushdo që ka informacion mbi rastin të kontaktojë me autoritetet.

elsiado marku vrasje ne britani eljon markaj

Sondazh

Poll