Aktualitet

Ndryshime të reja, një tjetër drejtor i komanduar caktohet te "Rrugorja" e Tiranës, zbulohet emri i tij

Buzi ka qenë më parë shef i komisariatit të Himarës dhe në qershor u transferua në doganën e Qafë Botës, ndërsa tani pritet të vijë në kryeqytet.

1 Shtator 2025, 18:59 Nga r.ll
Ndryshime të reja, një tjetër drejtor i komanduar caktohet te
foto ilustruese

TIRANË- Drejtori i ri i komanduar i Policisë Rrugore të Tiranës do të jetë Neritan Buzi. Caktimi i tij në këtë detyrë vjen pas përfundimit të periudhës së qëndrimit të Lorenc Shehur si drejtor i përkohshëm.

Buzi ka qenë më parë shef i komisariatit të Himarës dhe në qershor u transferua në doganën e Qafë Botës, ndërsa tani pritet të vijë në kryeqytet. Me rregullat e reja të Policisë së Shtetit, drejtuesi i Rrugores së kryeqytetit duhet të zgjidhet përmes konkursit. 

Nga ana tjetër, Lorenc Shehu mori përkohësisht drejtimin e Drejtorisë së Policisë Rrugore në Tiranë pas arrestimit të Roven Zekës me urdhër të Prokurorisë së Posaçme. 

Zeka bashkë me shefin e Sektorit të Aksidenteve, Sokol Novaku dhe oficerin e policisë gjyqësore Edison Tabaku, sipas SPAK janë përfshirë në korrupsion pasiv. Sipas organit të akuzës, ata u arrestuan pasi i kanë marrë ryshfet 2 mijë euro një shofereje që u përfshi në një aksident rrugor në Tiranë më 16 prill.

Roven Zeka u vendos në krye të komisariatit të Policisë Rrugore në Tiranë në Dhjetor të 2024, pasi më herët kishte shërbyer në qytetin e Elbasanit. Ai ishte pjesë e trupës që ripërtëriu 48 drejtuesit e komisariateve në vend sipas modelit të emërimit me konkurrim, që u aplikua për herë të parë pas ndryshimeve ligjore dhe pas emërimit të Ilir Prodës në krye të Policisë së Shtetit.

neritan buzi lorenc shehu policia rrugore e tiranes

Sondazh

Poll

MË SHUMË