Aktualitet

U arrestuan me urdhër të SPAK, ja kush janë punonjësit e IMT-së që akuzohen për korrupsion (EMRAT)

Në kërkim është vënë edhe Klajdi Zhilla dhe një person tjetër. Arrestimi i tyre ka ndodhur në lokalin e ish-deputetit, Mark Frroku në Kombinat.

27 Gusht 2025, 18:43 Nga N.F
U arrestuan me urdhër të SPAK, ja kush janë punonjësit e
Foto

TIRANË- Gerald Fuçia dhe Edmond Çela janë dy punonjësit e IMT-të të cilët u vendosën në pranga me urdhër të SPAK. Fuçia dhe Çela u prangosën pas një denoncimi në polici se ata merrnin ryshfet nga biznese të ndryshme për t’i favorizuar në zaptimin e ambienteve publike, duke lejuar ndërtime të paligjshme.

Në kërkim është vënë edhe Klajdi Zhilla dhe një person tjetër. Arrestimi i tyre ka ndodhur në lokalin e ish-deputetit, Mark Frroku në Kombinat. Mësohet se nga lokali janë marrë dhe kamerat e sigurisë. Autoritetet po vijojnë hetimet për zbardhjen e plotë të skemës së korrupsionit dhe për kapjen e të gjithë personave të përfshirë në këtë rast.

Policia ditën e sotme gjithashtu ka vënë në pranga ish-kryeinspektorin e Inspektoratit të Mbrojtjes së Territorit (IMT) në Bashkinë Durrës, Ardian Halili. Ai akuzohet për ndërtim të paligjshëm në një zonë bregdetare në fshatin Shetaj të Ishmit.

spak imt

Sondazh

Poll

MË SHUMË